ઇમાનદારી / આને કે'વાય પ્રમાણિકતા ! વિદ્યાર્થી ટેબલેટ સાથે સ્કુલબેગ રિક્ષામાં ભૂલી ગયો, રિક્ષાચાલકે જે કર્યું તે જાણીને કહેશો વાહ

• અમદાવાદમાં રિક્ષા ચાલકની પ્રમાણિકતા 
• બાળકની ભૂલાઈ ગયેલી બેગ પોલીસ સ્ટેશનમાં આપી 
• રાણીપ પોલીસે કર્યું રિક્ષા ચાલકનું બહુમાન 

અમદાવાદના નાગરિકોની છાપ આમ બહુ સારી નહિ.એક ચાના ત્રણ ભાગ જેવી કરકસર અને લૂંટી લે, પણ આપે નહિ તેવી છબી વરસો પહેલા હતી. પણ સમય અને આવેલા આમૂલ પરિવર્તને,અમદાવાદી હૈયાને માનવતાસભર અને સંવેદનશીલ બનાવ્યા છે. ઘટના અમદાવાદની છે અને મહેક માનવતાની. આ રિક્ષા ચાલકની સહ્રુદયતાને પોલીસે પણ બિરદાવી છે. રાણીપ વિસ્તારમાં એક બાળક રિક્ષામાં પોતાની સ્કુલ બેગ ભૂલી ગયો હતો. રિક્ષાચાલકને ધ્યાને સ્કુલ બેગ આવતા બેગ પોલીસને જમા કરાવી હતી. બેગમાં આઇપેડની સાથે મોંઘુ ટેબલેટ પણ હતું. રાણીપ પોલીસે આ ઇમાનદાર રિક્ષા ચાલકનું સન્માન કર્યું હતું.

પોલીસ સ્ટેશનમાં બેગ કરાવી જમા 

સામાન્ય રીતે રિક્ષા ચાલકો.પોતાની રીક્ષામાં બેઠેલા મુસાફરોના સમાન પ્રત્યે  બહુ ગંભીર નથી હોતા. સ્વાભાવિક છે કે, મુસાફરોના સામાનની જવાબદારી,મુસાફર પોતાની હોય છે. પણ અહીં નાનો બાળક મુસાફર હતો. જે પોતાની બેગ રીક્ષામાં ભૂલી જતા,રિક્ષા ચાલક ખુદ સામેથી ચાલીને પોલીસ મથક પહોચ્યો અને બેગ જમા કરાવી હતી.રાણીપ વિસ્તાર પોલીસે,આ રિક્ષા ચાલકનું બહુમાન કરી તેમની આ કામગીરીને બિરદાવી હતી. કારણકે, અન્ય રિક્ષા ચાલકો પણ આ કિસ્સામાથી પ્રેરણાં લઇ શકે.