SHORT & SIMPLE / VIDEO: ભ્રષ્ટાચારે રંગ બતાવ્યો! સુરતમાં 12 જ કલાકમાં પીગળી ગયો રોડ, બાઇક ચાલકની જુઓ કેવી હાલત થઈ

• સુરત મનપાની બેદરકારી
• સવારે બનાવેલો રોડ પીગળી ગયો
• 12 કલાક પણ ન ટક્યો રોડ

સુરતમાં રોડ બનાવવાની કામગીરીમાં મનપાની બેદરકારી સામે આવી છે. સુરતના અડાજણમાં આજે સવારે અંદાજે 200 મીટરનો રોડ બનાવવામાં આવ્યો હતો. આ રોડ બપોર થતાની સાથે પીગળી ગયો છે. સવારે બનાવેલો એપ્રોચ રોડ બપોરે પીગળી ગયો છે. જેથી વાહનચાલકોને હાલાકીનો સામનો કરવો પડી રહ્યો છે. 

રોડ બનાવવામાં ભ્રષ્ટાચાર થયાનો આક્ષેપ
સુરતમાં મનપાની ઘોર બેદરકારી સામે આવી છે. અડાજણમાં બનાવેલો રોડ પીગળી ગયોની ઘટના સામે આવી છે. અત્રે ઉલ્લેખનીય છે કે, સવારે બનાવેલો એપ્રોચ રોડ બપોરે પીગળી ગયો હોવાનું સામે આવ્યું છે. રોડ પીગળતા વાહનચાલકોને હાલાકીનો સામનો કરવો પડી રહ્યો છે. રોડ પીગળવાની ઘટના સામે આવ્યા બાદ વાહન ચાલકોએ રોડ બનાવનારા કોન્ટ્રાક્ટર પર ભ્રષ્ટાચાર કર્યાનો આક્ષેપ કર્યો છે. સાથે કોન્ટ્રાક્ટર પાસેથી રોડનો ખર્ચ વસૂલવા માગ કરી છે.

સળગતા સવાલ
રોડ બનાવનારા કોન્ટ્રાક્ટર વિરુદ્ધ કાર્યવાહી થશે?
મનપા કોન્ટ્રાક્ટરને દંડ ફટકારવા જેવી કામગીરી કરશે?
AC ઓફિસમાં બેસતા મનપાના સત્તાધીશો આ રોડ તરફ ધ્યાન આપશે?
વાહનચાલકોને થતી હાલાતી SMCના સત્તાધીશોને દેખાશે?
આ રોડમાં વાહન સ્લીપ થશે તો જવાબદાર કોણ?
સુરત મનપાના અધિકારીઓ ઘટનાની જવાબદારી લેશે?