તમારા કામનું / WhatsApp યુઝર્સની સૌથી મોટી સમસ્યા થઈ ગઈ દૂર: HDમાં સેન્ડ કરી શકાશે ફોટોઝ, જાણૉ કઈ રીતે કામ કરે છે ફીચર

• વોટ્સએપે તેના યુઝર્સ માટે એક નવું ફીચર લોન્ચ કર્યું છે
• હવે WhatsApp પર HD ક્વોલિટીમાં ફોટો શેર થશે 
• WhatsApp પર HD ફોટા કેવી રીતે મોકલવા? જાણો 

WhatsApp new feature: WhatsApp તેના કરોડો યુઝર્સને બેસ્ટ ચેટિંગ એક્સપિરિયન્સ આપવા માટે નવી સુવિધાઓ લાવતું રહે છે અને આ સાથે જ આ ઇન્સ્ટન્ટ ચેટિંગ પ્લેટફોર્મ તેના યુઝર્સની સેફટી અને સિક્યોરીટી પર પણ સંપૂર્ણ ધ્યાન રાખે છે. એમ જ વોટ્સએપે તેના યુઝર્સ માટે એક નવું ફીચર લોન્ચ કર્યું છે, જેમાં યુઝર્સ WhatsApp પર HD ક્વોલિટીમાં ફોટો મોકલી શકશે. 

WhatsApp પર HD ક્વોલિટીમાં ફોટો શેર થશે 
વોટ્સએપ પર યુઝર્સને ઘણા ફીચર્સ મળે છે. કંપની આ પ્લેટફોર્મ પર કોલિંગથી લઈને ઓડિયો-વિડિયો, ફોટો શેરિંગ, ટેક્સ્ટિંગ જેવી અનેક સુવિધાઓ આપે છે.  જો કે, ઘણા લોકો ફરિયાદ કરતા હતા કે વોટ્સએપ પર મોકલવામાં આવેલા ફોટાની ક્વોલિટી બગડે છે. કંપનીએ આ ફરિયાદ સાંભળી છે અને એક નવું અપડેટ બહાર પાડ્યું છે.  નવા ફીચરની મદદથી તમે HD ક્વોલિટીમાં ફોટો શેર કરી શકો છો. 

આ ફીચર રોલઆઉટ કરવામાં આવ્યું છે 
મેટાએ ગુરુવારે સત્તાવાર રીતે અપડેટની જાહેરાત કરી હતી. હવે યુઝર્સ સ્ટાન્ડર્ડ અથવા એચડી ક્વોલિટીમાં કોઈને પણ પિક્ચર મોકલી શકશે. HD ફોટો અપગ્રેડ ફીચરની રજૂઆત સાથે હાઇ-રિઝોલ્યુશન ઇમેજ શેર કરવાનું સરળ બનશે.આ ફીચર રોલઆઉટ કરવામાં આવ્યું છે અને આવનારા દિવસોમાં વધુ યુઝર્સ માટે ઉપલબ્ધ કરાવવામાં આવશે. આ સાથે કંપનીએ એ પણ જણાવ્યું છે કે ટૂંક સમયમાં HD વીડિયો શેર કરવા માટે સપોર્ટ લાવશે.નવું ફીચર તમારા ફોન પર કામ કરી રહ્યું છે કે નહીં તે જોવા માટે તમે તમારા WhatsAppને મેન્યુઅલી અપડેટ કરી શકો છો.

WhatsApp પહેલેથી જ કેટલાક યુઝર્સ માટે આ સુવિધાને રોલઆઉટ કરી રહ્યું છે. એવામાં ચાલો જાણીએ કે WhatsApp પર હાઇ ક્વોલિટીવાળા ફોટા કેવી રીતે મોકલવા?
> કોઈપણ કોન્ટેક માટે WhatsApp ચેટ ખોલો.
> હવે મેસેજ બોક્સની બાજુમાં કેમેરા આઇકોન પર ક્લિક કરો.
> WhatsApp કસ્ટમ એપ્લિકેશન દ્વારા photos પર ક્લિક કરો.
> હવે તમને સ્ક્રીનની ટોચ પર એક HD આઇકોન દેખાશે.
> ડાયલોગ બોક્સ ખુલે છે તેની નીચેના આઇકોન પર ક્લિક કરો.
> તમે ઇમેજ મોકલવા માટે ઓરીજનલ અથવા HD ક્વોલિટી વચ્ચે પસંદ કરી શકો છો.
> હવે તમારા કોન્ટેક્ટને ઈમેજ મોકલો.
વોટ્સએપ એ પણ જાહેર કર્યું કે ફોટા મોકલવા માટે સ્ટાન્ડર્ડ ક્વોલિટી ડિફોલ્ટ વિકલ્પ હશે.