જૂનાગઢ / VIDEO: ગિરનારમાં અચાનક ગુમ થયા વૃદ્ધ: 12 કલાકની મહેનત બાદ હેમખેમ રેસ્ક્યૂ, 2000 પગથિયાં પર હતું છેલ્લું લોકેશન

• ગિરનારમાં ગુમ થયેલા શ્રદ્ધાળુનુ પોલીસ અને ફોરેસ્ટ વિભાગે કર્યુ રેસ્ક્યૂ 
• પોલીસ, ફોરેસ્ટ, SDRFની 12 કલાકની મહેનત બાદ મળ્યા શ્રદ્ધાળુ
• ગિરનારના 2 હજાર પગથિયા પર મળ્યુ હતુ છેલ્લુ લોકેશન

જૂનાગઢના ગરવા ગઢ ગિરનાર પરથી એક શ્રદ્ધાળુ પરિક્રમા કરતા સમય જંગલ વિસ્તારમાં ગાયબ થયાનો કિસ્સો પ્રકાશમાં આવ્યો હતો. જેની જાણ ભવનાથ પોલીસ સ્ટેશનમાં થતા પોલીસે એસ.ડી.આર.એફ અને ફોરેસ્ટ વિભાગની ટીમને સાથે રાખી શ્રદ્ધાળુની શોધખોળ હાથ ધરી હતી. 

 શ્રદ્ધાળુ મૂળ મધ્યપ્રદેશના હતા
આ શ્રદ્ધાળુનું છેલ્લું લોકેશન ગિરનાર પર્વતના 2000 પગથિયાએ સંત વેલનાથ જગ્યા પર હોવાનું જાણવા મળ્યું હતું. જે જાણ્યા બાદ આગળની શોધખોળ હાથ ધરાઈ હતી. જે બાબતે શોધખોળ હાથ ધરાતા ગિરનાર પર્વતના વિસ્તારમાંથી આ શ્રદ્ધાળુનું રેસ્ક્યુ કરવામાં આવ્યું હતું. જેમનું નામ મદન મોહન જૈન હતું અને આ શ્રદ્ધાળુ મૂળ મધ્યપ્રદેશના હતા. અત્રે જણાવીએ કે, તેઓ જૈન દેરાસર ખાતે દર્શન અર્થે તેઓ આવ્યા હતા.

12 કલાક રેસ્ક્યુ ઓપરેશન ચાલ્યું
તેઓ ઘાટાદાર જંગલમાં અંદર જતા રહ્યા હતા અને જંગલની ઝાડીઓમાં જઈ ફસાઈ ગયા હતા. જંગલમાં અવાજ કરતાં સામેથી પણ અવાજ આવ્યો હતો જેને લઈ એસ.ડી.આર.એફ તેમજ વન વિભાગ અને પોલીસ દ્વારા સંયુક્ત રીતે રેસ્ક્યુ ઓપરેશન હાથ ધરવામાં આવ્યું હતું. આ રેસ્ક્યુ ઓપરેશન લગભગ 12 કલાક જેટલું ચાલ્યું હતુ