રાહત / ટાંકીઓ કરી લો ફૂલ! મોદી સરકારનાં નિર્ણય બાદ આજથી પેટ્રોલ ડીઝલના ભાવમાં ઘટાડો, જાણો તમારા શહેરના લેટેસ્ટ ભાવ

• જનતાને પેટ્રોલ-ડીઝલની કિંમતમાં રાહત
• સેન્ટ્રલ એક્સાઈઝ ડ્યૂટીમાં તોતિંગ ઘટાડો
• આજથી પેટ્રોલ-ડીઝલના નવો ભાવ અમલી

કેન્દ્ર સરકારે પેટ્રોલ-ડીઝલની કિંમતમાં આપી રાહત

કેન્દ્રની મોદી સરકારે જનતાને મોટી રાહત આપી છે. મોદી સરકારે ઈંધણના વધી રહેલા ભાવ ઘટાડવા માટે સેન્ટ્રલ એક્સાઈઝ ડ્યૂટીમાં ઘટાડો કર્યો છે. નાણાંમંત્રી નિર્મલા સિતારમણે પેટ્રોલના લિટર દીઠ રૂપિયા 9.50 અને ડીઝલમાં રૂપિયા 6નો તોતિંગ ઘટાડો કર્યો છે. જેથી પેટ્રોલ 9.5 અને ડીઝલ 7 રૂપિયા સસ્તુ થયું છે. આજથી નવો ભાવ અમલી કરવામાં આવ્યો છે.

Also, this year, we will give a subsidy of Rs 200 per gas cylinder (upto 12 cylinders) to over 9 crore beneficiaries of Pradhan Mantri Ujjwala Yojana: Union Finance Minister Nirmala Sitharaman

— ANI (@ANI) May 21, 2022

સરકારે સેન્ટ્રલ એક્સાઈઝ ડ્યૂટીમાં કર્યો ઘટાડો

આમ કેન્દ્ર સરકાર દ્વારા લેવાયેલા નિર્ણયને લઈને અમદાવાદમાં પેટ્રોલનો ભાવ ઘટીને 95.57 રૂપિયા થયો છે, જ્યારે ડીઝલનો ભાવ ઘટીને રૂપિયા 93.13 રૂપિયા થયો છે. અમદાવાદની સાથે સમગ્ર ગુજરાતની પેટ્રોલ-ડીઝલની કિંમતમાં ઘટાડો થયો છે. આ અગઉ કેન્દ્ર સરકારે 3 નવેમ્બર 2021ના રોજ પણ પેટ્રોલ પર લિટર દીઠ રૂપિયા 10 અને ડીઝલ પર રૂપિયા 5 એક્સાઈઝ ડ્યૂટીમાં ઘટાડો જાહેર કર્યો હતો.

4 મહાનગરપાલિકામાં પેટ્રોલનો નવો ભાવ 

- અમદાવાદમાં એક લિટરના 95.57 રૂપિયા  
- રાજકોટમાં એક લિટરના 95.24 રૂપિયા
- વડોદરામાં એક લિટરના પેટ્રોલના 95.61 રૂપિયા  
- સુરતમાં એક લિટરના પેટ્રોલની 95.59 રૂપિયા  
 

4 મહાનગરપાલિકામાં ડીઝલનો નવો ભાવ 

- અમદાવાદમાંએક લિટરના 93.13 રૂપિયા  
- રાજકોટમાં એક લિટરના 91.98 રૂપિયા
- વડોદરામાં એક લિટરના ડીઝલના 92.46 રૂપિયા  
- સુરતમાં એક લિટરના ડીઝલની 92.46 રૂપિયા 

It is always people first for us!

Today’s decisions, especially the one relating to a significant drop in petrol and diesel prices will positively impact various sectors, provide relief to our citizens and further ‘Ease of Living.’ https://t.co/n0y5kiiJOh

— Narendra Modi (@narendramodi) May 21, 2022

PM મોદીએ ભાવ ઘટાડાના પગલાને આવકાર્યું

વડાપ્રધાન નરેન્દ્ર મોદીએ કહ્યું- અમારા માટે પ્રજા સૌથી પહેલા હોય છે. આજે જે નિર્ણય લેવામાં આવ્યો છે તે નાગરિકોને રાહત આપશે અને જીવનને વધારે સુગમ બનાવશે. ઉજ્જવલા યોજના હેઠળ મળતા સિલેન્ડર પર સબસિડીની જાહેરાતની પણ PM મોદીએ પ્રશંસા કરી હતી. તેમણે કહ્યું કે ઉજ્જવલા યોજનાએ કરોડો ભારતીયો ખાસ કરીને મહિલાઓની મદદ કરી છે. ઉજ્જવલા સબસિડી અંગે આજના નિર્ણયથી પરિવારના બજેટમાં ઘણી સરળતા રહેશે.

તમારા શહેરના ભાવ આ રીતે ચેક કરો

પેટ્રોલ અને ડીઝલના ભાવ તમે SMS દ્વારા  પણ જાણી શકો છો. ઈન્ડિયન ઓઈલ IOC તમને સુવિધા આપે છે કે તમે તમારા મોબાઈલ પર RSP અને તમારા શહેરનો કોડ લખીને 9224992249 નંબર પર મોકલો. તમારા મોબાઈલ પર તરત જ તમારા શહેરના પેટ્રોલ અને ડીઝલના ભાવ આવી જશે. દરેક શહેરના અલગ અલગ કોડ છે. જે તમને IOCની વેબસાઈટ પર મળી જશે.