- સુરતમાં મંત્રી કુંવરજી હળપતિના વિવાદિત નિવેદન મામલે વિરોધ
- મંત્રી કુંવરજી હળપતિના વિરોધમાં કર્યા સૂત્રોચ્ચાર
- મોટી સંખ્યમાં ગ્રામજનોએ રેલી કાઢી નોંધાવ્યો વિરોધ
- કુંવરજી હળપતિ વિરુદ્ધ માંડવી મામલતદાર કચેરીએ આવેદન પત્ર પાઠવ્યું
સુરતમાં મંત્રી કુંવરજી હળપતિના વિવાદિત નિવેદન મામલે લોકોમાં રોષ જોવા મળ્યો હતો. લોકોએ આકરા સૂત્રોચ્ચાર કરી મંત્રી કુંવરજી હળપતિનો વિરોધ નોંધાવ્યો હતો. આ દરમિયાન લોકોએ મોટી સંખ્યમાં એકઠા થઈ રેલી કાઢી હતી. જેમાં સૂત્રોચ્ચાર કરી વિરોધ દર્શાવ્યો હતો. એટલું જ નહીં કાર્યવાહીની માંગ સાથે કુંવરજી હળપતિ વિરુદ્ધ માંડવી મામલતદાર કચેરીએ આવેદન પત્ર પણ પાઠવવામાં આવ્યું હતું.
સરપંચને ઘરભેગા કરવા માટે જાહેર મંચ પરથી નિવેદન આપ્યું હતું
ગામના લોકોએ મંત્રી કુંવરજી હળપતિ હાય હાયના લાગ્યા નારા લાગાવ્યા હતા. તાનાસાહી નહિ ચલેગીના લાગ્યા સાથે વિરોધ કરવામાં આવ્યો હતો. આગેવાનોએ કહ્યું હતું કે મંત્રીને આદિવાસીની સેવા કરવાનો મોકો મળ્યો છે તો તેઓએ આ દિશામાં આગળ વધવું જોઈએ. આદિવાસીઓની જમીન જે તાપી, રિવલિંગ, નેશનલ હાઈવેની ઘટના જેવા આદિવાસી વિસ્તાપીતોના પ્રશ્નો ઉભા થયા છે તેમાં મંત્રી આદિવાસીઓની સાથે ઉભા રંહે તેવી માંગ છે. સાથે જ આ ઘટનાને વખોડી તેઓએ કહ્યું કે મંત્રી પોતાનું કામ અને સમાજને કામમાં ધ્યાન આપે તે જરૂરી છે.
શુ હતો મામલો?
મહત્વનું છે કે માંડવી પંથકમાં મંત્રી કુંવરજી હળપતિ ગુસ્સામાં જાેવા મળ્યા છે. મંત્રી કુંવરજી હળપતિએ જાહેર મંચ પરથી વિરોધીઓને છઠ્ઠીનું ધાવણ યાદ કરાવી દેવાનું નિવેદન આપ્યું છે. માંડવી ખાતે આર.એન્ડ બી દ્વારા અદ્યતન સર્કિટ હાઉસના લોકાર્પણ દરમિયાન મંત્રીનો ગુસ્સો સાતના આસમાને જોવા મળ્યો હતો. જે હવે વિવાદનું ઘર બન્યો છે. જેને લઈને હવે મંત્રી કુંવરજી હળપતિના વિરોધમાં નારા લાગ્યા છે.
