તપાસ / સુરતમાં પોલીસની નાઇટ પેટ્રોલિંગની ખૂલી પોલ, ઇંડાની લારીમાં આગચાંપી શખ્સ ફરાર

• સુરતમાં ઇંડાની લારીને આગચાંપી ફરાર
• પેટ્રોલ છાંટીને આગ ચાંપી
• ઘટના સીસીટીવીમાં થઇ કેદ 

સુરતમાં પોલીસની નાઇટપેટ્રોલિંગની પોલ ખોલતા બનાવો સામે આવી રહ્યો છે. લુખ્ખા તત્વો બેફામ બન્યા છે.ત્યારે  ફરી એકવાર સુરતમાં એક શખ્સ મોડી રાત્રે ઇંડાની લારીમાં આગચંપી કરીને ફરાર થઇ ગયો. મહત્વનુ છે કે  સુરતમાં છેલ્લા ઘણા સમયથી વાહનોમાં આગ લાગ લાગવાની ઘટના બને છે.  પણ હજુ સુધી પોલીસ કોઇને પકડી શકી નથી ત્યારે હવે ફરી એકવાર આગચંપીની ઘટના સામે આવી છે.

ઇંડાની લારીને આગચંપી

સુરતના કતારગામની ગોતાલાવાડી વિસ્તારમાં આ બનાવ બન્યો. જેને સીસીટીવી સામે આવ્યા છે.  સીસીટીવીમાં સ્પષ્ટ દેખાય છે કે  મોડી રાત્રે અજાણ્યો શખ્સ
ઇંડાની લારીને આગ ચાંપે છે. પેટ્રોલ છાંટીને આગ ચંપી કરીને ફરાર થઇ જાય છે. અગાઉ પણ આવા અનેક બનાવો સામે આવ્યા છે.  ઇંડાની લારી ચલાવીને ગુજરાન ચલાવતા આ લારીના માલિક સામે શું કોઇ વેર ઝેર  હશે ? શા માટે આગચંપી કરી તે તપાસનો વિષય છે.

ફાયર વિભાગે મેળવ્યો કાબૂ

જો કે આગને પગલે ફાયર વિભાગ તાત્કાલિક ઘટના સ્થળે પહોંચી ગયુ હતું. ઇંડાની લારીમાં આગ લાગતા અન્ય આસપાસની લારીઓને પણ અસર થવા પામી હતી. લારીમાં ભારે નુકસાન થયુ હતું. ત્યારે આ ઘટનાને પગલે આસપાસના રહીશોમાં પણ ફફડાટ જોવા મળ્યો છે. લોકોની માગ છે કે વાહનોમાં આગચંપી કરનાર આ શખ્સને ઝડપી પાડવામાં આવે છે. સોસાયટીના લોકો પણ પોતાના વાહનોને લઇને આ ઘટનાથી ચિંતાતુર જોવા મળ્યા હતા. ઘટનાને પગલે પોલીસે તપાસનો ધમધમાટ શરુ કર્યો છે.