- ફેમસ શો 'અનુપમા' ટીઆરપી લિસ્ટમાં 1 સ્થાન નીચે આવી ગયો
- ટ્વિસ્ટ એન્ડ ટર્ન બાદ હવે સિરિયલમાં વધુ એક નવી એન્ટ્રી થવાની છે
- અનુપમા કરવા લાગશે વનરાજને પ્રેમ
સ્ટાર પ્લસનો ફેમસ શો 'અનુપમા' ટીઆરપી લિસ્ટમાં 1 સ્થાન નીચે આવી ગયો છે અને એટલા માટે હવે શોના નિર્માતાઓએ વાર્તામાં નવા નવા વળાંક લાવીને નવી કહાની બનાવવા લાગ્યા છે. મળતી માહિતી મુજબ 'અનુપમા' સિરિયલમાં મોટો ટ્વિસ્ટ આવવાનો છે. જણાવી દઈએ કે પાખી અને અધિના લગ્નના ટ્વિસ્ટ બાદ આ વખતે અનુજ ફરી એકવાર હુમલાની ઝપેટમાં આવ્યો છે.આ સમયે અનુ-અનુજ ક્વોલિટી ટાઈમ પસાર કરવા જઈ રહ્યા છે જ્યારે તેમના પર હુમલો થાય છે અને બંને ખરાબ રીતે ઘાયલ થાય છે. આ મોટા ટ્વિસ્ટ એન્ડ ટર્ન બાદ હવે સિરિયલમાં વધુ એક નવી એન્ટ્રી થવાની છે.
નવા પાત્રની થશે એન્ટ્રી
બોલિવૂડ લાઈફના એક રિપોર્ટ અનુસાર 'અનુપમા'માં નિશી સક્સેના અને ઋષભ જયસ્વાલ બાદ હવે 'દેવોં કે દેવઃ મહાદેવ'ના એક્ટર ઈબ્રાર યાકુબની એન્ટ્રી થવા જઈ રહી છે. અનુપમા સિરિયલમાં ઈબ્રારના પાત્રની એન્ટ્રી અનુપમા અને અનુજના સંબંધોમાં પણ ફરક પડી શકે છે. જો કે આ અંગે હજુ સુધી કોઈ સત્તાવાર નિવેદન સામે આવ્યું નથી. જણાવી દઈએ કે ઈબ્રાર યાકુબે અત્યાર સુધી ઘણી ટીવી સિરિયલોમાં મહત્વની ભૂમિકા ભજવી છે અને હવે જોવાનું એ રહેશે કે સિરિયલનો આવનારો ટ્વિસ્ટ અને ટર્ન તેની ટીઆરપી પર કેવી અસર કરશે.
અનુપમા કરવા લાગશે વનરાજને પ્રેમ
ફેમસ 'અનુપમા'માં તાજેતરમાં ડિમ્પલ તરીકે અભિનેત્રી નિશી સક્સેના અને નિર્મિત તરીકે અભિનેતા ઋષભ જયસ્વાલની એન્ટ્રી જોવા મળી હતી. હાલમાં સિરિયલમાં ડિમ્પલને બચાવવાનો પ્રયાસ કરતી વખતે ગુંડાઓ અનુજ અને અનુપમા પર હુમલો કરે છે. જો કે આ હુમલાની અનુપમા અને અનુજ પર શું અસર પડશે તે જોવાનું રહેશે. આ સાથે એવા અહેવાલો પણ છે કે અનુપમા આ હુમલા પછી અનુજ સાથે વિતાવેલો સમય ભૂલી જશે અને તે સમયે ફરી જશે જ્યારે તે વનરાજને પ્રેમ કરતી હતી એ માનસિક સ્થિતિમાં પંહોચી જશે. જો આ અહેવાલો સાચા પડ્યા અને આમ થયું તો દર્શકોને ફરી એકવાર કાવ્યા અને અનુપમા વચ્ચેનો મસાલો જોવા મળી શકશે. જણાવી દઈએ કે અનુપમા અને કાવ્યાના ટ્વિસ્ટથી આ સિરિયલ પણ ટીઆરપીના મામલે હિટ બની હતી. એક તરફ દર્શકો અનુપમા પ્રત્યે સહાનુભૂતિ રાખવા લાગ્યા તો બીજી તરફ દર્શકો કાવ્યાના પાત્રને નફરત કરવા લાગ્યો હતો.
