મનોરંજન / 'મેરે પિતા ડરે હુએ...', The Kerala Story વિવાદ બાદ છલક્યું યોગિતા બિહાનીનું દર્દ, જુઓ શું કહ્યું

• યોગિતા બિહાનીએ અનેક ફિલ્મોમાં કામ કર્યું
•  ‘ધ કેરલા સ્ટોરી’ ફિલ્મ બાબતે યોગિતાએ આપ્યું મહત્ત્વપૂર્ણ નિવેદન
• ‘ધ કેરલા સ્ટોરી’ના વિવાદ બાબતે પિતા ડરી રહ્યા છે’

અભિનેત્રી યોગિતા બિહાની (Yogita Bihani) નવી ફિલ્મ ‘ધ કેરલા સ્ટોરી’ (The Kerala Story) ની સક્સેસ એન્જોય કરી રહી છે. યોગિતા બિહાનીએ અનેક ફિલ્મોમાં કામ કર્યું છે. આ ફિલ્મ યોગિતાના કરિઅરની સૌથી બેસ્ટ ફિલ્મ સાબિત થઈ છે. યોગિતાએ ખુલાસો કર્યો છે કે, ફિલ્મ ‘ધ કેરલા સ્ટોરી’ના વિવાદ બાબતે તેના પિતા ડરી રહ્યા છે. 

ઈમાનદારીથી બનાવી ફિલ્મ
યોગિતાએ એક મીડિયા હાઉસને આપેલ ઈન્ટરવ્યૂમાં જણાવ્યું છે કે, ‘ખૂબ જ ઈમાનદારીથી આ ફિલ્મ બનાવવામાં આવી છે. આ ફિલ્મ એક કોલેજ પ્રોજેક્ટની જેમ હતો, ડેડિકેશન સાથે આ કામ કર્યું છે અને પ્રોજેક્ટ સબમિટ કરી દીધો હતો. લોકોને આ ફિલ્મ પસંદ આવી રહી છે.’ 

મારા પિતા ડરી ગયા છે
ફિલ્મ ‘ધ કેરલા સ્ટોરી’ને લોકોનો સારો રિસ્પોન્સ મળી રહ્યો છે. કેટલાક લોકો આ ફિલ્મનો વિરોધ કરી રહ્યા છે. યોગિતા બિહાનીએ આ બાબતે જણાવ્યું છે કે, ‘મારા પિતા ડરી ગયા છે. તેઓ સવાલ પૂછતા હોય છે કે, તુ આરામથી ઘરે તો જાય છે ને? તેઓ થોડા ડરી ગયેલ છે અને હું તેમને સારી બાબતો જણાવું છું. હું તેમને વિશ્વાસ અપાવું છું કે, બધુ જ બરાબર ચાલી રહ્યું છે અને અહીંયા બધુ જ બરાબર છે. હું તેમને વધુ ડરાવી ના શકું. હું તેમને આટલું જ કહું છું અને તેઓ મારા પર વિશ્વાસ કરે છે.’

100 કરોડના ક્લબમાં પ્રવેશ કરવાની તૈયારી
ફિલ્મ ‘ધ કેરલા સ્ટોરી’ બોક્સ ઓફિસ પર છવાઈ ગઈ છે. આ ફિલ્મ જબરદસ્ત કમાણી કરી રહી છે. આ ફિલ્મે ગુરુવારે 12.50 કરોડ રૂપિયાનું કલેક્શન કર્યું છે.  છેલ્લા 7 દિવસમાં ફિલ્મ ‘ધ કેરલા સ્ટોરી’એ બોક્સ ઓફિસ પર 81.63 કરોડની કમાણી કરી છે. આ ફિલ્મ ટૂંક સમયમાં 100 કરોડના ક્લબમાં શામેલ થઈ શકે છે.