- ભારત અને વેસ્ટ ઇન્ડીઝ વચ્ચે ત્રીજી વન-ડે મેચ
- વેસ્ટ ઈન્ડિઝના કેપ્ટને ટોસ જીતીને બોલિંગ કરવાનો નિર્ણય લીધો
- ટીમ ઇન્ડિયાએ વેસ્ટ ઇન્ડીઝને 352 રનનો ટાર્ગેટ આપ્યો
ભારત અને વેસ્ટઈન્ડિઝની વચ્ચે આજે (1 ઓગસ્ટ) ત્રિનિદાદના બ્રાયન લારા સ્ટેડિયમમાં મેચ રમાઈ રહી છે. ભારત અને વેસ્ટ ઇન્ડીઝ વચ્ચે ત્રીજી વન-ડે મેચ રમાઈ રહ્યો છે. જેમાં વેસ્ટ ઈન્ડિઝના કેપ્ટને ટોસ જીતીને બોલિંગ કરવાનો નિર્ણય લીધો હતો. બાદમાં મેદાનમાં ઉતરેલી ભારતીય ટીમેં ધુઆધાર બેટિંગ કરીને રનનો પહાડ ખડકી દીધો હતો અને વેસ્ટ ઇન્ડીઝને 352 રનનો ટાર્ગેટ આપ્યો છે. ભારતે ટોસ હારીને બેટિંગ કરી હતી. જેમાં 5 વિકેટના નુકસાન પર ટીમે 351 રન બનાવ્યા હતા.
ચાર ખેલાડીઓએ કરી અર્ધ સદી
આ મેચ દરમિયાન ભારતીય ટીમના ચાર ખેલાડીઓનું બેટ બોલ્યું હતુ. તેમણે બમબમાટ અડધી સદી ફટકારી હતી. સ્ટાર ઓપનર ખેલાડી શુભમન ગિલ સદીથી થોડે દુર રહ્યો હતો. તેમણે બેટિંગ કરી 92 બોલમાં 85 રન બનાવ્યા હતા. તો સંજુ સૈમસને 41 બોલમાં 51 રન કર્યા હતા. જ્યારે ઈશાન કીસને 64 બોલમાં 77 રન કર્યા હતા. ત્યારબાદ કેપ્ટન હાર્દિક પંડ્યાએ પણ કમાલ કરી અને તેમણે 52 બોલમાં 70 રન ફટકાર્યા હતા આમ અણનમ તોફાની બેટિંગ કરતા વેસ્ટઈન્ડિઝ બોલરોની કારી ફાવી ન હતી. જેમાં રોમારીયો શેફર્ડએ 2 વિકેટ અને અલ્જારી જોસેફ, તથા ગુડાકેશ મોતીએ અને યાનીક કારીયાએ 1,1 વિકેટ ઝડપી હતી.
સીરિઝ 1-1ની બરાબરી પર
ક્રિકેટની સિરીઝની વાત કરવામાં આવે તો હાલ સીરિઝ 1-1ની બરાબરી પર છે. બીજી મેચમાં કેપ્ટન રોહિત શર્મા અને વિરાટ કોહલી મેચ માંથી બહાર રહ્યા હતા ત્યારે હવે ત્રીજા મેચમાં પણ બંને મેચથી બહાર છે તેઓ ટીમ મેનેજમેન્ટને આરામ પર છે. બીજી બાજુ ટીમ ઇન્ડિયા રોહિત શર્માના સ્થાને હાર્દિક પંડ્યાના નેતૃત્વ હેઠળ મેચ રમી રહી છે. નોંધનીય છે કે બીજી વનડે મેચમાં વેસ્ટઈન્ડિઝે ભારતને 6 વિકેટથી હરાવી સીરિઝમાં વાપસી કરી હતી
