સમાજના અંતિમ તબક્કાનો વ્યક્તિ પણ ભૂખ્યો ન સૂવે તે માટે સસ્તું અનાજ વર્ષોથી ઉપલબ્ધ છે. કેટલાય પરિવારો એવા છે જે રાશનકાર્ડને કદાચ કોઈ ઘરેણાંથી પણ કિમતી સમજતા હશે. નહીંવત કિંમતે લાખો-કરોડો ગરીબોને અનાજ મળે છે અને તેમનો જઠરાગ્નિ ઠારે છે. પરંતુ ગરીબોની આંતરડી ત્યારે બળે છે જયારે અનાજ માફિયાઓ સસ્તા અનાજને બારોબાર સગેવગે કરી દે છે કે અન્ય અનાજ માફિયાને પધરાવી દે છે. એક અનાજ કેટલી મહેનત પછી તૈયાર થઈને બજારમાં એ ગરીબો માટે જતું હશે, એ ગરીબ કેટલી આશા સાથે સસ્તુ અનાજ લેવા લાઈનમાં ઉભો હશે અને એવો ખુલાસો થાય કે જે અનાજ ગરીબો માટે આપવાનું હતું તે બારોબાર ચાંઉ થઈ ગયું. સરકારે આ માટે SITની રચના તો કરી છે અને હવે SITએ કડક હાથે કામ લેવાનું પણ શરૂ કર્યું છે. પણ SITની કડકાઈથી સસ્તા અનાજમાં કૌભાંડ આચરનારા ડરશે ખરા? આ કૌભાંડીઓના મૂળ સુધી કેમ પહોંચાશે. જે અધિકારીઓની રહેમનજરથી આવા કૌભાંડ ચાલવાના અનેક ખુલાસાઓ થયા તેવા અધિકારીઓ સુધી કઈ રીતે પહોંચાશે.
- સસ્તા અનાજની ચોરી કરનારા કૌભાંડીઓ પર તવાઈ
- સસ્તા અનાજના વિતરણમાં કૌભાંડ રોકવા SIT હરકતમાં
- 2020થી અત્યાર સુધી થયેલા કેસ રિઓપન કરાયા
સસ્તા અનાજની ચોરી કરનારા કૌભાંડીઓ પર તવાઈ છે. સસ્તા અનાજના વિતરણમાં કૌભાંડ રોકવા SIT હરકતમાં આવી છે. 2020થી અત્યાર સુધી થયેલા કેસ રિઓપન કરાયા છે. સરકારી અનાજ સગેવગે કરવાના 83 કેસ ફરી ખોલવામાં આવ્યા છે. SITએ તમામ SP અને કલેક્ટરને માર્ગદર્શિકા મોકલી આપી છે. સસ્તા અનાજની ચોરી કરનારાઓ સામે કડક હાથે કાર્યવાહીની તૈયારી ટૂંક સમયમાં શરૂ થશે.
- સસ્તા અનાજની ચોરી રોકવા SIT રેડ કરશે
- જયાં SIT રેડ કરશે તે વિસ્તારના જવાબદાર અધિકારી સામે કાર્યવાહી
- પ્રિવેન્શન ઓફ બ્લેક માર્કેટિંગ અંતર્ગત પાસા જેવી કાર્યવાહી થઈ શકે છે
SITની SOPમાં શું છે?
સસ્તા અનાજની ચોરી રોકવા SIT રેડ કરશે. જયાં SIT રેડ કરશે તે વિસ્તારના જવાબદાર અધિકારી સામે કાર્યવાહી. પ્રિવેન્શન ઓફ બ્લેક માર્કેટિંગ અંતર્ગત પાસા જેવી કાર્યવાહી થઈ શકે છે. સરકારી અધિકારીની સંડોવણી હશે તો તેની સામે પણ કડક કાર્યવાહી. તમામ કલેકટર અને જિલ્લા પોલીસવડાએ SOPનું પાલન કરવાનું રહેશે.
કૌભાંડીઓનું નેટવર્ક ક્યાં સુધી?
| આટકોટ |
| સરકારી અનાજનો જથ્થો ખાનગી દુકાનમાંથી ઝડપાયો |
| |
| વેરાવળ |
| 300થી વધુ ઘઉં અને ચોખાના કટ્ટા ઝડપાયા |
| |
| સુરત |
| બારોબાર વેચાણ અર્થે સસ્તુ અનાજ લઈ જવાતું હતું |
| ટેમ્પોમાં હજારો કિલો અનાજની થતી હતી હેરાફેરી |
| |
| પોરબંદર |
| કુતિયાણામાં રેશનિંગના ચોખા વેચવાનું કૌભાંડ |
| 4 આરોપીની ધરપકડ |
| |
| સુરત |
| ગોડાઉનમાંથી સરકારી અનાજ વેચીને ખાનગી મિલને વેચી દેવાયું હતું |
| |
| ગોંડલ |
| હાઈવે પરથી અનાજનો જથ્થો સગેવગે કરતો ટ્રક ઝડપાયો હતો |
| |
| અમદાવાદ |
| ઈસનપુર રોડ ઉપર ટ્રકમાંથી સરકારી અનાજની 300 બોરી જપ્ત |
| |
| વડોદરા |
| સસ્તા અનાજની અનેક દુકાનમાં ગેરરીતિ |
| 4 દુકાનમાંથી 1.25 લાખનો જથ્થો સીઝ |
| ગરીબોનું અનાજ બારોબાર વેંચી દેવાતું હતું |
| પુરવઠા વિભાગના અધિકારીઓની હતી રહેમનજર |
