- એટલીએ પુત્રની પહેલી તસવીર શેર કરી
- તાજેતરમાં જ શાહરૂખે એટલીનાં પુત્રનું નામ કર્યું હતું જાહેર
- તસવીરમાં એટલીએ પોતાના પુત્રનો ચહેરો જાહેર કર્યો નથી
બોલિવૂડ એક્ટર શાહરૂખ ખાને ટ્વિટર પર Ask Srk કાર્યક્રમ કર્યો હતો. આ દરમ્યાન ચાહકોએ ઘણા પ્રશ્નો પૂછ્યા અને તેણે તે બધાના જવાબ આપ્યા. એક યુઝરે તેમને પૂછ્યું કે જવાનના ડિરેક્ટર એટલીની એક એવી કઈ ખાસિયત છે. જે તેમને સૌથી વધુ પસંદ છે.
એટલીએ પુત્રની પહેલી તસવીર શેર કરી
આ સવાલનો જવાબ આપતા શાહરૂખે કહ્યું હતું કે એટલી ખૂબ જ સ્માર્ટ અને સમર્પિત છે. તેની પાસે ખૂબ જ સુંદર બાળક મીર છે અને તેની પત્ની પ્રિયા ખૂબ જ સારી રીતે તેની દેખભાળ રાખે છે. મહત્વની વાત તો એ છે કે એટલીએ હજુ સુધી તેમના પુત્રનું નામ જાહેર કર્યું ન હતું. જે શાહરૂખે જાહેર કર્યું હતું. નામ સામે આવ્યા બાદ હવે એટલીએ પુત્રની પહેલી તસવીર શેર કરી છે.
તસવીરમાં તેણે પોતાના પુત્રનો ચહેરો જાહેર કર્યો નથી
એટલીએ ઈન્સ્ટાગ્રામ પર એક તસવીર શેર કરી છે, જેમાં તે અને તેની પત્ની પ્રિયા તેમજ ન્યૂ બોર્ન બેબી મીર જોવા મળી રહ્યા છે. પ્રિયાએ મીરને બાહોમાં લીધો. આ ત્રણેય મંદિરમાં દેખાય છે. જો કે આ તસવીરમાં તેણે પોતાના પુત્રનો ચહેરો જાહેર કર્યો નથી. તેણે પોતાના ચહેરા પર રેડ હાર્ટ ઇમોજી લગાવી છે.
એટલી અને પ્રિયા આ વર્ષે જાન્યુઆરીમાં બન્યા હતા માતા-પિતા
આ તસવીર શેર કરતા એટલીએ કેપ્શનમાં લખ્યું, “હા, નામ મીર છે. મારા નાના એન્જલનું નામ જાહેર કરીને ખૂબ જ આનંદ થયો. તમને જણાવી દઈએ કે, એટલી અને પ્રિયા આ વર્ષે જાન્યુઆરીમાં માતા-પિતા બન્યા હતા. જેની જાણકારી તેઓએ સોશિયલ મીડિયા દ્વારા આપી હતી.
7 સપ્ટેમ્બરે થશે રિલીઝ "જવાન"
જો કે લાંબા સમયથી શાહરૂખ ખાન અને એટલી જવાનમાં વ્યસ્ત છે. પઠાણની સફળતા બાદ શાહરૂખના ફેન્સ આ ફિલ્મની આતુરતાથી રાહ જોઈ રહ્યા છે. આ પહેલા આ ફિલ્મ 2 જૂને રિલીઝ થવાની હતી. જોકે હવે આ ફિલ્મ મોકૂફ રાખવામાં આવી છે. હવે આ ફિલ્મ 7 સપ્ટેમ્બરે રિલીઝ થશે. ફિલ્મમાં શાહરૂખની સામે નયનતારા છે.
