વિકાસ / PM મોદીએ દિલ્હીમાં કર્યું આ મોટું કામ, રક્ષા મંત્રી અને સેના અધ્યક્ષ નરવણેને કહી આ મોટી વાત

• દિલ્હીમાં ડિફેન્સ કોમ્પલેક્ષનું નવીનીકરણ કરવામાં આવ્યું 
• રક્ષામંત્રી રાજનાથસિંહ અને સેના અધ્યક્ષ નરવણેએ આપી હાજરી 
• વડાપ્રધાન મોદીએ ડિફેન્સ કોમ્પલેક્ષનું કર્યું લોકાર્પણ 

સેન્ટ્રલ વિસ્ટા પ્રોજેક્ટ માટે ચાલી રહેલા નિર્માણકાર્યવચ્ચે આજે વડાપ્રધાન મોદીએ દિલ્હીમાં ક્સતૂરબા ગાંધી માર્ગ અને અફ્રીકા એવન્યૂમાં રક્ષા કાર્યાલય પરિસરોનું ઉદ્ધાટન કર્યું. સાથેજ તેમણે સેન્ટ્રલ વિસ્ટાની નવી વેબસાઈટ પણ લોન્ચ કરી. આ પ્રસંગે રક્ષા મંત્રી રાજનાથસિંહ, અને સેના અધ્યક્ષ નરવણે પણ હાજર રહ્યા હતા. 

7 હજાર કર્મચારીઓને શિફ્ટ કરવામાં આવ્યા 

ડિફેન્સ કોમ્પલેક્ષમાં રક્ષા મંત્રાલયના અંદાજે 7 હજાર કર્મચારીઓને શિફ્ટ કરવામાં આવ્યા. રાજનાથા સિંહ દ્વારા એવું કહેવામાં આવ્યું કે જુના રક્ષા પરિસર એટલા જર્જરીત તઈ ગયા હતા કે તે ગમે ત્યારે તૂટી શકે તેવી સ્થિતી હતી. 

રાજધાની દિલ્હી વિકાસની ગતીએ 

PM મોદીએ દેશની ત્રણેય સેનાઓના અધિકારીઓને સંબોધીત કરતા કહ્યું કે આઝાદીના 75 વર્ષ પછી આપણે રાજધાનીને નવા ભારતની આવશ્યકતાઓ અને આકાંક્ષાઓ અનુસાર વિકસાવી રહ્યા છે. નવું ડિફેન્સ ઓફિસ કોમ્પ્લેક્ષ આપણી સેનાઓને કામકાજને વધારે સુવીધા આપશે. 

24 મહિનાનું કામ 12 મહિનામાં થયું 

સાથેજ વડાપ્રધાને એવું પણ કહ્યું કે ડિફેન્સ ઓફિસ કોમ્પલેક્ષનું કામ 24 મહિનામાં પુરુ થવાનું હતું તેના બદલે માત્ર 12 મહિનામાં પુરુ કરવામાં આવ્યું છે. આ ઓફિસનું કામ પુરુ કરવામાં કોરોનાને લઈને પણ પડકારો હતા. પરંતુ તે બધા પડકારોને પૂરા કરીને આ કોમ્પલેક્ષનું કામ પુરુ કરવામાં આવ્યું છે.