અનુકંપા / દીકરીને થોડી કેદ કરાય ! જાળમાં ફસાયેલી વ્હેલને સૌરાષ્ટ્રના માછીમારે દરિયામાં છોડી,આ માન્યતાના કારણે

• સાગર ખેડૂએ વહેલ શાર્કને છોડી મૂકી 
• માછીમારે જાળ કાપીને માછલી મુક્ત કરી 
• વહેલ શાર્કને દીકરી ગણે છે માછીમારો 

દરિયાના સાગર ખેડૂ પણ જળચર પ્રાણીને પોતાના સંતાન સરીખા ગણતા હોય છે તેની કદાચ આપને ખબર નહિ પણ હોય. પરંતુ, દરિયામાં ઉછળતી-કૂદતી વહેલ શાર્ક માછલીને દરિયા ખેડૂ માછીમારો પોતાની દીકરી જેટલું જ વહાલ કરતા હોય છે. પરિણામે બિછાવેલી જાળમાં, જો વહેલ શાર્ક ફસાઈ જાય તો પોતાની પુત્રી કોઈ ચુંગાલમાં ફસાયાનું દર્દ માછીમારો અનુભવતા હોય છે. 

આવી જ એક ઘટના ગીર પંથકના ધામળેજમા બની. એક વહેલ શાર્ક માછલી, માછીમારની જાળમાં આવી ગઈ,પણ દીકરીનો બાપ,એમ કઈ દીકરીનું દર્દ જોઈ શકે ? માછીમારે તુરંત જ મોંધી દાટ જાળ કાપી નાખી,અને વહેલ શાર્ક માછલીને ફરીથી દરિયામાં રમતી મૂકી દીધી   

ગીરના દરિયામાં ધામળેજ ગામની બોટ જ્યારે ફિશીંગ કરી રહી હતી ત્યારે જાળમાં અચાનક વ્હેલ-શાર્ક માછલી ફસાતા બોટના માછીમારોએ 'વ્હેલ શાર્ક બચાવો અભિયાન' અંતર્ગત પોતાની કિંમતી જાળ કાપીને વહેલશાર્કને દરિયાના ઊંડા પાણીમાં છોડી મુકી હતી. વ્હેલ-શાર્ક માછલીને સૌરાષ્ટ્રનાં માછીમારો વ્હાલી દીકરી ગણે છે.તેથી વ્હેલશાર્ક નો અહીંના માછીમારો ક્યારેય શિકાર કરતા નથી..

સૌરાષ્ટ્રમાં માતુત્વ ધારણ કરે છે માછલી 

સુત્રાપાડા,વેરાવળ અને માંગરોળના દરિયાકાંઠે આવતી શાર્ક વહેલ હજારો નોટીકલ માઈલની સફાર દરમિયાન નાર સાથે સંવનન કરે છે.પોતાની ઈચ્છાથી ગર્ભાધાન કરતુ આ દરિયાઈ વિશિષ્ઠ પ્રાણી 90 દિવસ દરમિયાન ગર્ભ ધારણ કરી અરબ  સાગરની દક્ષીણે સૌરાષ્ટ્રના દરિયાકાંઠે બછ્ને જન્મ આપવાની ખેવના રાખે છે. દરિયા કિનારો છીછરો હોવાના કારણે સૂર્ય પ્રકાશ ઊંડે સુધી જાય છે પરિણામે, નાના એવા સમુદ્રી જીવને અતિ પૌષ્ટિક ખોરાક પ્રાપ્ત થાય છે. સૌરાષ્ટ્રના દરિયા કાંઠે માતૃત્વ ધારણ કરવા આવતી આ માછલી માટે જાણીતા રામાયણી મોરારી બાપુએ, દીકરી લઈને આવતી માવતરને 'મારો નહિ,પ્રેમ કરો' જેવી દર્દીલી અપીલ કરતા, જાણે વહેલ શાર્કને અભ્ય્વાર્દાન પ્રાપ્ત થયું છે.પરિણામે, માછીમારો વહેલ શાર્ક ને દીકરી ગણી હૈયે પૂજ્યભાવ ધરાવે છે