સ્ક્રેપ પોલીસી / ગુજરાતના આ શહેરમાં દેશનું પ્રથમ ઓટોમેટીક વ્હીકલ ફિટનેસ સેન્ટર શરૂ, વધુ 20 સ્ટેશનો કરાશે પ્રસ્થાપિત

• સુરતમા દેશનુ પહેલુ ઓટોમેટિક વ્હિકલ ફિટનેસ સેન્ટર ચાલુ કરાયુ
• વાહન વ્યવહાર મંત્રી હર્ષ સંઘવીએ સુરત ખાતે કરાવી શરુઆત
• કેંદ્ર સરકારે સ્ક્રેપ પોલીસી જાહેર કર્યા બાદ પહેલુ સ્ટેશન શરુ કરાયુ

સુરતમાં દેશનું પહેલું ઓટોમેટિક વ્હિકલ ફિટનેસ સેન્ટર ચાલુ કરાયું છે.  વાહન વ્યવહાર મંત્રી હર્ષ સંઘવીએ સુરત ખાતે શરૂઆત કરાવી છે.  આગામી દિવસોમાં ગુજરાતમાં કુલ 20 નવા ફિટનેસ સેન્ટર શરૂ થશે. ત્યારે આગામી દિવસોમાં દેશભરમાં કુલ 100 ફિટનેસ સ્ટેશન ચાલુ થવાના છે.  કેન્દ્ર સરકારે સ્ક્રેપ પોલીસી જાહેર કર્યા બાદ પહેલું સ્ટેશન શરૂ કરાયું.

ગુજરાતમાં 10 જગ્યાએ ફિટનેસ સ્ટેશનોની શરૂઆત થશે
સુરત સહિત ગુજરાતમાં 10 જગ્યાએ કંપની દ્વારા માર્ચ મહિનાના અંત સુધી ફિટનેસ સ્ટેશનોની શરૂઆત થઈ જશે. બીએનડી કંપની દ્વારા રાજ્યમાં 20 જેટલા ફિટનેસ સ્ટેશનની શરૂઆત કરવાનો લક્ષ્યાંક છે.  બીએનડી કંપની દ્વારા ભારતભરમાં અલગ અલગ રાજ્યોમાં કુલ 80 જેટલા ફિટનેસ સ્ટેશન મળી કુલ 100 ફિટનેસ સ્ટેશન બનાવવાના લક્ષ્યાંક નક્કી કરાયો છે. 

વાહન પ્રમાણે અલગ અલગ દર
ભારત સરકાર દ્વારા અલગ અલગ ફિટનેસ ચાર્જ નક્કી કરવામાં આવ્યા છે. જેમાં અલગ અલગ વાહન પ્રમાણે અલગ અલગ દર નક્કી કરવામાં આવ્યા છે.  જેમાં ટુ વ્હીલર, ફોર વ્હીલર તેમજ હેવી વાહનો માટે અલગ અલગ પૈસા નક્કી કરવામાં આવ્યા છે. ત્યારે પોર્ટલ ઉપર જ બીએનડી કંપનીએ કામ કરવાનું છે અને તે પોટલ ઉપરથી જ વાહનનું સર્ટીફિટેક આપવામાં આવશે.