રાજકોટમાં ખાનગી લકઝરી બસનાં પ્રવેશ બંધીને લઈને ખાનગી ટ્રાવેલ્સ દ્વારા પોલીસ કમિશ્નરને રજૂઆત કરવામાં આવી હતી. જે બાદ ટ્રાવેલ્સ એજન્સીઓને રાહત મળી છે. ત્યારે આગામી 6 મહિના સુધી ટ્રાવેલ્સ એજન્સીઓ 150 ફૂટ રોડ ઉપર બસ સંચાલન કરી શકશે.
Share
રાજકોટમાં ખાનગી લકઝરી બસનાં પ્રવેશ બંધી મામલો
ખાનગી ટ્રાવેલ્સ એસોસિયેશનની સફળ રજૂઆત
આગામી 6 મહિના સુધી ટ્રાવેલ્સ એજન્સીઓ ને રાહત મળી
રાજકોટ પોલીસ કમિશ્નર દ્વારા માધાપર ચોકડીથી પુનિત પાણીના ટાંકા સુધી સવારે 8 વાગ્યાથી રાત્રીનાં 9 વાગ્યા સુધી ખાનગી લક્ઝરી બસના પ્રવેશ પર પ્રતિબંધ લગાવતું જાહેરનામું પ્રસિદ્ધ કરવામાં આવ્યું હતું. જે બાબતે રાજકોટ ખાનગી ટ્રાવેલ્સ એસોસિયેશન દ્વારા રજૂઆત કરવામાં આવી હતી. ત્યારે રાજકોટમાં ખાનગી લકઝરી બસ પ્રવેશ બંધી અંગે ખાનગી ટ્રાવેલ્સ એસોસિયેશન દ્વારા સફળ રજૂઆત કરવામાં આવી છે. ત્યારે ખાનગી ટ્રાવેલ્સ એજન્સીઓ 150 ફૂટ રોડ ઉપર પહેલાની જેમ બસ સંચાલન કરી શકશે. આગામી 6 મહિના સુધી ટ્રાવેલ્સ એજન્સીઓને રાહત મળી છે. પોલીસ કમિશ્નર દ્વારા પ્રવેશ બંધીને લઈને જાહેરનામું બહાર પાડવામાં આવ્યું હતું. ખાનગી લકઝરી બસોનાં સંચાલકોએ સાંસદ અને ધારાસભ્યને રજૂઆત કરી હતી. હાલ 6 મહિના સુધી ખાનગી બસ 150 રોડ ઉપર પરિવહન કરી શકશે.
પોલીસ કમિશ્નર દ્વારા ખાનગી લકઝરી બસ માટે પ્રવેશ બંધી ફરમાવી હતી
થોડા દિવસ પહેલા રાજકોટ પોલીસ કમિશ્નર દ્વારા ખાનગી લકઝરી બસથી થતી ટ્રાફિકની સમસ્યાને ધ્યાને લઈ જાહેરનામું પ્રસિદ્ધ કરવામાં આવ્યું હતું. છેલ્લા લાંબા સમયથી ખાનગી લક્ઝરી બસને લઈ નિયંત્રણની માંગણીઓ ઉઠી રહી હતી. અંતે રાજકોટ પોલીસ કમિશનર દ્વારા જાહેરનામું બહાર પાડવામાં આવ્યું હતું. જેમાં માધાપર ચોકડીથી પુનિત પાણીના ટાંકા સુધી ખાનગી લક્ઝરી બસ પર પ્રતિબંધ મુકાયો હતો.
ટ્રાવેલ્સ એસોસિયેશન દ્વારા રજૂઆત કરવામાં આવી હતી
રાજકોટ પોલીસ કમિશ્નરને ટ્રાવેલ્સ એસોસિયેશન દ્વારા રજૂઆત કરવામાં આવી હતી. રાજકોટ ખાનગી બસ સંગઠનના પ્રમુખ દશરથસિંહ વાળાનું નિવેદન સામે આવ્યું છે. તેમણે જણાવ્યું છે કે, આ જાહેરનામાથી રાજકોટના મુસાફરોને મુશ્કેલી પડશે.
