- વડોદરાનાં તરસાલીમાં મહિલાની હત્યા મામલે ચોંકાવનારો ખુલાસો
- મૃતક મહિલાના સગા બહેનના દીકરાએ જ હત્યા કર્યાનો ખુલાસો
- મોબાઇલ લોકેશનને આધારે બંન્નેની કરાઇ ધરપકડ
વડોદરાનાં તરસાલીમાં મહિલાની હત્યા મામલે ચોંકાવનારો ખુલાસો થવા પામ્યો છે. જેમાં મૃતક મહિલાનાં સગા બહેનનાં દીકરાએ જ હત્યા કર્યાનો ખુલાસો થયો હતો. નયન નામનાં શખ્સ દ્વારા જ સગા માસીની હત્યા કરી હતી. મૃતક મહિલા નિઃસંતાન હોવાથી નયનને નાનપણથી ઉછેર્યો હતો. નયન દ્વારા મહિલાને મારી નાંખી મિલકત હડપવાનો કારસો રચ્યો હતો. આરોપી નયને મહિલા પાસે એક હજાર રૂપિયાની માંગણી કરી હતી. મહિલા દ્વારા નયનને પૈસા ન આપતા નયને ઉશ્કેરાઈ જઈ હેમંતની મદદથી નયને વૃદ્ધ મહિલાની હત્યા કરી દીધી હતી. ત્યારે હત્યા કર્યા બાદ આરોપીઓ વડોદરાથી ફરાર થઈ ગયા હતા. ત્યારે પોલીસે બંનેને મોબાઈલ લોકોશનનાં આધારે ઝડપી પાડ્યા છે.
એફએસએલ દ્વારા પણ તપાસ હાથ ધરી હતી
વડોદરાનાં તરસાલી વિસ્તારમાં રહેતા સુલોચનાબેન અમીનનો મૃતદેહ ઘરમાંથી મળી આવતા પોલીસે આ બાબતે તપાસ હાથ ધરી હતી. આ ઘટનાની જાણ પોલીસને થતા મકરપુરા પોલીસ તેમજ ક્રાઈમ બ્રાન્ચનાં અધિકારીઓ સહિતનો કાફલો ઘટનાં સ્થળે પહોંચી તપાસ હાથ ધરી હતી. તેમજ એફએસએલ ટીમ પણ ઘટનાં સ્થળે પહોંચી તપાસ હાથ ધરી હતી.
પ્રોપર્ટીને લઈ નયને વૃદ્ધાની હત્યા કરી
આ બાબતે ડીસીપી લીના પાટીલે જણાવ્યું હતું કે સુલોચનાબેન અમીન દ્વારા તેમનાં જેઠનાં દિકરાની વારસદાર તરીકે ઘર તેમજ પ્રોપર્ટી આપેલ હતી. ત્યારે આ મિલકત મૃતક મહિલા દ્વારા નયને ન આપવાનાં કારણે નયને હેમંતની મદદ લઈ સમગ્ર કાવતરૂ ઘડી કાઢ્યું હતું. આ મર્ડર રાતે 11.30 આસપાસ થયેલું છે. તેમજ આ મર્ડર કર્યા બાદ તેઓ કરજણ અને કરજણથી છાણી જઈ આરોપીઓ પાવાગઢ ગયા હોવાનું તેઓનાં લોકેશનનાં આધારે જાણવા મળ્યું હતું.
