વાયરલ / VIDEO : બરફવર્ષામાં રોડ 'ગાયબ', વાહનચાલકોએ એકબીજા પર ઠોકી 50 ગાડીઓ, ખૌફનાક વીડિયો વાયરલ

• અમેરિકાના પેન્સિલવેનિયામાં આવ્યું બરફનું ભયાનક તોફાન
• હાઈવે પર વિઝિબિલિટી ઘટતા એકબીજા સાથે ટકરાઈ 50 ગાડીઓ
• 3 લોકોના મોત, સેંકડો ઘાયલ 

અમેરિકામાં પેન્સિલવેનિયામાં સોમવારે હાઈવે પર થયેલા ભીષણ અકસ્માતમાં અનેક લોકોના મોત થયા હતા. જણાવવામાં આવી રહ્યું છે કે અહીં બરફના તોફાનના કારણે હાઈવે પર એક પછી એક 50થી 60 ગાડીઓ અથડાઈ હતી. આ ગમખ્વાર અકસ્માતમાં ત્રણ લોકોનાં મોત નીપજ્યાં હતાં. આ સાથે જ અન્ય ઘણા લોકો ઘાયલ થયા હતા. આ ઘટના પેન્સિલ્વેનિયા હાઇવેના શુયકિલ કાઉન્ટીની છે. અકસ્માત બાદથી આ વિસ્તારમાં અંધાધૂંધી ફેલાઈ ગઈ હતી.

આ ભયાનક અકસ્માતનો વીડિયો યૂટ્યૂબ પર શેર કરવામાં આવ્યો 

આ ભયાનક અકસ્માતનો વીડિયો યૂટ્યૂબ પર શેર કરવામાં આવ્યો છે, જેમાં એક પછી એક ગાડીઓ એકબીજા સાથે ટકરાતી જોવા મળી રહી છે. વીડિયોમાં જોઈ શકાય છે કે કેવી રીતે હિમવર્ષાના કારણે વાહન ચાલકો વાહન પરનો કાબૂ ગુમાવી રહ્યા છે.  ટકરાયા બાદ લોકો કારમાંથી બહાર નીકળી રહ્યા છે.

હાઈવે પર વાહનચાલકોને કશું ન દેખાતા થયો અકસ્માત 
પોલીસના જણાવ્યા પ્રમાણે આ વિસ્તારમાં વિઝિબિલિટી 0ની આસપાસ હતી, જેના કારણે આ અકસ્માત એટલો ભયાનક હતો. ઘાયલોને નજીકની હોસ્પિટલમાં દાખલ કરવામાં આવ્યા છે જ્યાં તેમની સારવાર ચાલી રહી છે. જણાવવામાં આવી રહ્યું છે કે આ મહિને શૌકિલ દેશની આ બીજી મોટી ઘટના છે.