તમારા કામનું / ખાસ વાંચી લો! ટૅક્સ પેયર્સ માટે ખૂબ અગત્યની વાત, સૌથી મોટા પ્રશ્ન અંગેનું આવકવેરા વિભાગે દૂર કર્યું કન્ફ્યૂઝન

• ITRમાં કેટલી વખત કરી શકાય અપડેટ 
• અપડેટને લઈને આવકવેરા વિભાગે આપી માહિતી 
• તમારૂ કન્ફ્યુઝન થશે દૂર

કોઈ ટેક્સ પેયર્સને એક આકાર્ણી વર્ષમાં ફક્ત એક વખત પોતાના આવક રિટર્નને અપડેટ કરવાની પરવાનગી હશે. કેન્દ્રીય પ્રત્યક્ષ કર બોર્ડના ચેરમેન જે બી મહાપાત્રાએ બુધવારે આ જાણકારી આપી છે. ભારતીય ઉદ્યોગ પરિસંઘ દ્વારા આયોજીત એક કાર્યક્રમને સંબોધિત કરતા મહાપાત્રે કહ્યું કે આ જોગવાઈનો હેતુ એ લોકોને રિટર્ન આપવાનો અવસર આપશે જે કોઈ કારણે તેને ફાઈલ નથી કરી શક્યા. 

અપડેટ કરવા માટે આ માહિતી જરૂરી 
મહાપાત્રાએ કહ્યું, "આવા કરદાતા એક આકારણી વર્ષમાં ફક્ત એક વખત અપડેટ કરેલુ રિટર્ન દાખલ કરી શકે છે." બજેટ 2022-23માં આવા ટેક્સપેયર્સને આઈટીઆર દાખલ કરવાના બે વર્ષની અંદર તેને અપડેટ કરવાની પરવાનગી આપવામાં આવી છે જેમાં રિટર્નમાં અમુક ભુલો હોય કે કોઈ વસ્તુ ભરવાની રહી ગઈ હોય. ટેક્સપેયર્સ ટેક્સની ચુકવણી કરી આઈટીઆરને અપડેટ કરી શકે છે. 

જો વધુ આઈટીઆર 12 મહિનાની અંદર દાખલ કરવામાં આવે તો બાકી કર અને વ્યાજ પર 25 ટકા વધુની ચુકવણી કરવાની રહેશે. જો તેને 12 મહિના બાદ દાખલ કરવામાં આવે છે તો ચુકવણી વધારીને 50 ટકા થઈ જશે. પરંતુ તેને સંબંધિત આકાર્ણી વર્ષના 24 મહિનાની અંદર જ તેને દાખલ કરવાનું રહેશે. જોકે આ આકાર્ણી વર્ષ માટે જો નોટિસ જાહેર કરી અભિયોજનાની કાર્યવાહી શરૂ કરવામાં આવી છે તો કરદાતાઓને આ સુવિધાનો લાભ નહીં મળે.