શોકાતુર / પાકિસ્તાનમાં જન્મેલા મશહૂર લેખક તારીક ફતેહનું નિધન, લાંબા સમયથી હતા બીમાર, બોલિવૂડે પણ વ્યક્ત કર્યો શોક

• પ્રખ્યાત પત્રકાર અને લેખક તારીક ફતેહનું નિધન
• પાકિસ્તાની મૂળનાં હતાં તારીક ફતેહ
• દીકરી નતાશાએ આપી મરણ અંગે માહિતી

પાકિસ્તાની મૂળનાં કેનેડિયન લેખક અને સ્તંભકાર તારીક ફતેહનું સોમવારે નિધન થયું છે. તે 73 વર્ષનાં હતાં. લાંબા સમયથી બીમાર હતાં અને આજે તેઓ મૃત્યુ પામ્યાં છે. તેમની દિકરી નતાશાએ તારીક ફતેહનાં નિધન અંગે માહિતી આપી હતી.

Lion of Punjab.
Son of Hindustan.
Lover of Canada.
Speaker of truth.
Fighter for justice.
Voice of the down-trodden, underdogs, and the oppressed.@TarekFatah has passed the baton on… his revolution will continue with all who knew and loved him.

Will you join us?

1949-2023 pic.twitter.com/j0wIi7cOBF

— Natasha Fatah (@NatashaFatah) April 24, 2023

દીકરી નતાશાએ ટ્વિટ કરી આપી માહિતી
તારીકની દીકરી નતાશાએ કહ્યું કે પંજાબનાં શેર, હિંન્દુસ્તાનનાં પુત્ર, કેનેડિયનનાં પ્રેમી, સત્યનાં હિમાયતી, ન્યાય માટે લડનારા, દબાયેલા-કચડાયેલા શોષિત લોકોનો અવાજ, તારીક  ફતેહ હવે નથી રહ્યાં. તેમની ક્રાંતિ તે સૌકોઈ સાથે જોડાયેલી રહેશે જે તેમને ઓળખતાં હતાં અને પ્રેમ કરતાં હતાં.

ફિલ્મકાર વિવેક રંજન અગ્નિહોત્રીએ તારીક ફતેહનાં નિધન પર શોક વ્યક્ત કરતાં કહ્યું કે માત્ર એક જ તારિક ફતેહ હતાં. 

There was one and only @TarekFatah - daring, funny, knowledgable, sharp thinker, great orator and a fearless fighter.

Tarek, my brother, it was a delight to have you as a close friend.

Will you be able to rest in peace?
Om Shanti. pic.twitter.com/X9VcRKtyK4

— Vivek Ranjan Agnihotri (@vivekagnihotri) April 24, 2023

તારીક ફતેહ કોણ હતાં?
તારિક ફતેહનો જન્મ 20 નવેમ્બર 1949માં કરાચીમાં થયો હતો. તેમનો પરિવાર મુંબઈમાં રહેતો હતો પરંતુ વિભાજન બાદ તેઓ કરાચી ચાલ્યાં ગયાં હતાં. તેમણે કરાચી યૂનિવર્સિટીથી બાયોકેમેસ્ટ્રીનું ભણતર કર્યું હતું પરંતુ પાછળથી પત્રકારિતામાં જોડાયા હતાં. પત્રકારત્વ દરમિયાન તેમને 2 વખત જેલ જવું પડ્યું હતું. પછીથી તેમણે પાકિસ્તાન છોડી દીધું અને સાઉદી અરબમાં સેટલ થયાં. 1987માં ફતેહ કેનેડા શિફ્ટ થયાં.