- ‘તારક મેહતા કા ઉલ્ટા ચશ્મા’ ઘણા સમયથી વિવાદમાં
- મોનિકા ભદોરિયાએ આ શો બાબતે ચોંકાવનારા ખુલાસા કર્યા
- મેકર્સ પર લગાવ્યો ગંભીર આરોપ
ટીવી શો ‘તારક મેહતા કા ઉલ્ટા ચશ્મા’ ઘણા સમયથી વિવાદમાં રહે છે. શોની કાસ્ટમાં શામેલ અનેક કલાકાર એક પછી એક આ શો છોડી રહ્યા છે. આ સીરિયલમાં બાવરનું પાત્ર ભજવનાર મોનિકા ભદોરિયાએ આ શો બાબતે ચોંકાવનારા ખુલાસા કર્યા છે. મોનિકા જણાવે છે કે, તેમની સાથે શોમાં એવું વર્તન કરવામાં આવતું હતું કે, આપઘાતના વિચાર આવતા હતા.
રોશન સિંહ સોઢીનું પાત્ર ભજવનાર જેનિફર બંસીવાલાએ પણ શો છોડ્યો છે અને મેકર્સ પર ગંભીર આરોપ લગાવ્યા છે. બાઘાની ગર્લફ્રેન્ડનું પાત્ર ભજવનાર અભિનેત્રી મોનિકા ભદોરિયાએ પણ ગંભીર આરોપો લગાવ્યા છે.
મોનિકાએ તાજેતરમાં એક ઈન્ટરવ્યૂમાં વાતચીત દરમિયાન જણાવ્યું કે, પારિવારિક સમસ્યાઓમાંથી પસાર થઈ છે. મોનિકા થોડા દિવસના અંતરે તેમની માતા અને દાદીને પણ ગુમાવ્યા છે. મોનિકા જણાવે છે કે, ‘તેઓ મારા જીવનનો આધાર હતા અને ખૂબ જ પ્રેમથી મોટી કરી હતી. હું આ ગમમાંથી બહાર નીકળી શકી નથી, મને એવું લાગી રહ્યું છે કે, મારું જીવન જ પૂર્ણ થઈ ગયું છે. જે સમયે હું ‘તારક મેહતા કા ઉલ્ટા ચશ્મા’ સાથે જોડાઈ હતી, તે સમયે મારા પર બહુ જ ટોર્ચર કરવામાં આવતું હતું. મારા ઘરની પરિસ્થિતિ અને ટોર્ચરના કારણે હું અંદરથી ખૂબ જ તૂટી ગઈ હતી, હું આપઘાત કરવાની હતી. તેમણે કહ્યું કે, મારા પિતાના નિધન પર મને પૈસા આપવામાં આવ્યા. મારી માઁનું નિધન થયું તો મને પૈસા આપવામાં આવ્યા. આ વાત મને પસંદ આવતી નહોતી.’
અભિનેત્રીનું સપનું અધૂરું રહી ગયું
અભિનેત્રી આગળ જણાવે છે કે, ‘મારું સપનું હતું કે, હું મારા માતા પિતાને ‘તારક મેહતા કા ઉલ્ટા ચશ્મા’ના સેટ પર લઈને જઉં. અહીંયાનું આ પ્રકારનું વાતાવરણ જોઈને મેં સેટ પર ના લાવવાનો નિર્ણય કર્યો. મારી મમ્મી બિમાર હતી અને અંતિમ શ્વાસ લઈ રહી હતી, તે સમયે મેં તેમને સેટ પર લાવવાનો વિચાર કર્યો, પરંતુ તે પણ શક્ય ના બની શક્યું.’ અન્ય કલાકારોની જેમ મોનિકાએ પણ મેકર્સ પર પૈસા ના આપવાનો આરોપ લગાવ્યો છે.
