વીડિયો સોરઠીયા વાડી વિસ્તારની શાળા નંબર -62 હોવાનું સામે આવ્યું
રાજકોટની સરકારી શાળા વધુ એક વખત વિવાદમાં સપડાઈ છે. આ વીડિયો સોરઠીયા વાડી વિસ્તારની શાળા નંબર -62 નો હોવાનું જાણવા મળી રહ્યું છે. જેમાં સફાઇ કામદાર બાળકોને અભ્યાસ કરાવતો હોવાનું સામે આવતા વાલીઓમાં આક્રોશની જ્વાળા ભભૂકી છે. તો આ વીડિયોને લઈને શિક્ષણ વિભાગની કામગીરી સામે સવાલો ઉભા થયા છે.
મને કંઇ કહેશો તો તમારી પર ફોન આવશે : સફાઈ કામદાર
સોરઠીયા વાડી શાળામાં શિક્ષકની ગેરહાજરીમાં સ્કૂલ બહાર સફાઇ કામદાર વિદ્યાર્થીઓને શિક્ષણના પાઠ ભણાવી રહ્યા છે. આ અંગે જાણ થતાં જાગૃત નાગરિકે સ્કૂલનો વીડિયો બનાવી સોશિયલ મીડિયામા વાયરલ કર્યો હતો. જેમાં શિક્ષકોના કહેવાથી હું દરરોજ સ્કૂલે આવું છું તેવું સફાઇ કામદારએ રટણ રટયું હતું. મને કંઇ કહેશો તો તમારી પર ફોન આવશે તેવી ગર્ભિત ધમકી પણ આપી હતી. આ વીડિયોને લઈને શાળામાં બહારના માણસના પ્રવેશથી શિક્ષણ વ્યવસ્થા અને બાળકોની સલામતી સામેં પણ સવાલો ઉભા થયા છે.
સળગતા સવાલ?
શાળામાં સફાઈકર્મી બાળકોને અભ્યાસ કેમ કરાવે છે?
કોના કહેવાથી સફાઈકર્મી બાળકોને અભ્યાસ કરાવે છે?
સ્કૂલમાં અન્ય વ્યક્તિઓને પ્રવેશવાની મંજૂરી કોણ આપે છે?
સફાઈકર્મી બાળકોને અભ્યાસ કરાવશે તો શિક્ષક શું કરશે?
ક્યા શિક્ષકે સફાઇકર્મીને સોંપી સ્કૂલની જવાબદારી?
કોના બદલામાં સફાઇકર્મી પહોંચ્યો સ્કૂલે?
કેમ શિક્ષકો બાળકોના ભવિષ્ય સાથે ચેડા કરી રહ્યા છે?
બાળકોનો ભવિષ્ય ખરાબ થશે તો જવાબદાર કોણ?
સફાઇકર્મીને ભણાવવાના આદેશ આપનારા શિક્ષક સામે પગલા લેવાશે?
