- અતીક અહેમદ અને અશરફની ગોળી મારીને હત્યા કરવામાં આવી
- સ્વરા ભાસ્કરે એ ઘટનાને લઈને સરકાર પર પ્રહારો કર્યા
- કિલિંગ અથવા એન્કાઉન્ટર એ ઉજવણી કરવા જેવી બાબત નથી
ગેંગસ્ટરમાંથી રાજકારણી બનેલા અતીક અહેમદ અને તેના ભાઈ અશરફની ગઈકાલે રાત્રે અજાણ્યા લોકો દ્વારા ગોળી મારીને હત્યા કરવામાં આવી હતી, એ સમયે પોલીસ અતીક અને તેના ભાઈ અશરફને મેડિકલ ચેકઅપ માટે કોલવિન હોસ્પિટલમાં લઈ જઈ રહી હતી. એવામાં અચાનક 3 હુમલાખોરોએ હોસ્પિટલની બહાર પોલીસ પાસેથી પસાર થતાં ફાયરિંગ કર્યું હતું. જો કે આ ઘટના બાદ કેટલાક લોકો આનાથી ખુશ થયા છે તો કેટલાક લોકો તેની આકરી ટીકા કરી રહ્યા છે. આ બધા વચ્ચે બોલિવૂડ અભિનેત્રી સ્વરા ભાસ્કરે એ ઘટનાને લઈને સરકાર પર પ્રહારો કર્યા છે અને હત્યાની નિંદા કરી છે.
સ્વરા ભાસ્કરે ટ્વિટ કરીને કહી આ વાત
જણાવી દઈએ કે સ્વરાએ ટ્વીટ કર્યું, “એકસ્ટ્રા જ્યુડિશિયલ કિલિંગ અથવા એન્કાઉન્ટર એ ઉજવણી કરવા જેવી બાબત નથી. આ ઘટના સંકેત આપે છે કે રાજ્ય નિયમ વિરુદ્ધ કામ કરી રહ્યું છે અને રાજ્યની એજન્સીઓની વિશ્વસનીયતા ખતમ થઈ ગઈ છે, કારણ કે તેઓ ગુનેગારોની જેમ કામ કરી રહી છે. આ મજબૂત શાસન નથી, આ અરાજકતા છે."
નોંધનીય છે કે થોડા દિવસ પહેલા અતીકના પુત્ર અસદનું એન્કાઉન્ટર થયું હતું. આ સાથે જ જણાવી દઈએ કે અતીક અને તેના પુત્ર પર રાજુ પાલ હત્યા કેસના સાક્ષી ઉમેશ પાલની હત્યાનો આરપો હતો.
સ્વરા ભાસ્કર થઈ હતી ટ્રોલ
જણાવી દઈએ કે બોલિવૂડ એક્ટ્રેસ સ્વરા ભાસ્કર અને સપા નેતા ફહાદ અહેમદ થોડા દિવસો પહેલા જ ચર્ચામાં હતા કારણ કે અભિનેત્રીએ કોર્ટમાં ફહાદ અહેમદ સાથે લગ્ન કર્યા હતા. જો કે લગ્ન બાદ અભિનેત્રીએ ટ્વિટર પર એક પોસ્ટ પણ કરી હતી. નોંધનીય છે કે સ્વરા ભાસ્કરનો પતિ ફહાદ અહેમદ મુસ્લિમ છે અને સ્વરા હિન્દુ છે, જેના કારણે યુઝર્સ તેમને ખૂબ ટ્રોલ કરતા હતા.
