- સ્વરા ભાસ્કરે પોતાના લગ્નની લેટેસ્ટ તસવીરો શેર કરી
- સાઉથ ઇન્ડિયન દુલ્હન બની સ્વરા ભાસ્કર
- ન સાત ફેરા ફર્યા કે ન તો નિકાહ કર્યા
બોલિવૂડ ફિલ્મ સ્ટાર સ્વરા ભાસ્કરે તેના લોંગ ટાઈમ બોયફ્રેન્ડ ફહાદ અહેમદ સાથે લગ્નના બંધનમાં બંધાઈ ગઈ છે. જણાવી દઈએ કે આ સ્ટાર કપલના લગ્નની પ્રી-વેડિંગ સેલિબ્રેશનની તસવીરો સોશિયલ મીડિયા પર જોરદાર વાયરલ થઈ રહી છે. સાથે જ સ્વરા ભાસ્કર અને ફહાદ અહેમદે નજીકના સંબંધીઓ અને સગા-સંબંધીઓ વચ્ચે ધામધૂમથી લગ્ન કર્યા જેની તસવીરો અભિનેત્રી સ્વરા ભાસ્કર તેના સોશિયલ મીડિયા હેન્ડલ ઇંસ્ટા-સ્ટોરી પર શેર કરી રહી છે. સ્વરા ભાસ્કરે પોતાના લગ્નની લેટેસ્ટ તસવીરો શેર કરીને લગ્નની ઝલક બતાવી છે.
ન સાત ફેરા કે ન તો નિકાહ
અભિનેત્રી સ્વરા ભાસ્કર અને ફહાદ અહેમદે ધામધૂમથી લગ્ન કર્યા. જો કે અંહિયા નવાઈની વાત એ છે કે અભિનેત્રીએ લગ્નની વિધિની તસવીરો સોશિયલ મીડિયા પર શેર કરી નથી. એવામાં ઘણા રિપોર્ટ્સમાં એવો દાવો કરવામાં આવ્યો છે કે બંનેએ નિકાહ કે સાત ફેરા લીધા વિના લગ્ન કરી લીધા હતા. નોંધનીય છે કે આ કપલ કોર્ટ મેરેજ કરી ચુક્યું છે અને હાલ અહેવાલોમાં દાવો કરવામાં આવ્યો છે કે બંનેએ એમના અલગ ધર્મને કારણે માટે કોર્ટ મેરેજ કર્યા હતા.
જો કે એ બાદ તેઓ બંને હલ્દી, મહેંદી અને સંગીત જેવી વિધિ ધામધૂમથી કરવા માંગતા હતા. એટલા માટે એમને હાલ એ સેલિબ્રેશન કર્યું હતું જેની તસવીરો સોશિયલ મીડિયા પર વાયરલ થઈ રહી છે.
સાઉથ ઇન્ડિયન દુલ્હન બની સ્વરા ભાસ્કર
સ્વરા ભાસ્કરે આ સેલિબ્રેશનની તસવીરો શેર કરી છે, જેમાં તે મરુન અને ગોલ્ડન કલરની સાડીમાં ખૂબ જ સુંદર લાગી રહી છે. સાથે જ તેને હાથોમાં મહેંદી, લાલ બંગડી, નાકની વીંટી, કપાળની પટ્ટી અને વાળમાં ગજરો લગાવ્યો છે અને સાઉથ ઇંડિયન દુલ્હન બની છે. જણાવી દઈએ કે ફેબ્રુઆરીમાં સ્વરા ભાસ્કર અને ફહાદ અહેમદે કોર્ટ મેરેજ કર્યા હતા.
જો સમાચારની વાત માનીએ તો બંનેની મુલાકાત વર્ષ 2019-2020માં આંદોલન દરમિયાન થઈ હતી અને આ દરમિયાન બંને મિત્રો બન્યા હતા અને ધીરે ધીરે પ્રેમમાં પડ્યા હતા અને આજે બંને કાયમ માટે એકબીજાના બની ગયા છે.
