- ટી-20 ટીમના સ્ટાર બેટ્સમેન સૂર્યકુમાર યાદવને પહોંચી ઈજા
- સૂર્યકુમાર યાદવને ઈજા થતાં તે સાત સપ્તાહ કરશે આરામ
- તે આવતા મહિને યોજાનારી T20 શ્રેણીમાં ભાગ લઈ શકશે નહીં
ટીમ ઈન્ડિયાએ સાઉથ આફ્રિકામાં ટી20 સીરીઝ જીતી છે અને હવે તેણે વનડે સીરીઝ પર પણ કબ્જો કરી લીધો છે. હવે એવી અપેક્ષા રાખવામાં આવે છે કે જો તેઓ ટેસ્ટ શ્રેણીમાં પણ ઐતિહાસિક જીત નોંધાવશે તો આ પ્રવાસ સંપૂર્ણ રીતે સફળ સાબિત થઈ જશે. આ બધાની વચ્ચે ટીમ ઈન્ડિયા માટે દક્ષિણ આફ્રિકાથી પણ કેટલાક પીડાદાયક સમાચાર આવ્યા છે. જેમાં હવે સૌથી મોટો આંચકો એ લાગ્યો છે, કે ટી-20 ટીમના સ્ટાર બેટ્સમેન સૂર્યકુમાર યાદવને ઈજાના કારણે આગામી કેટલાક સપ્તાહો સુધી ક્રિકેટથી દૂર રહેશે. સૂર્યાને છેલ્લી T20 મેચમાં આ ઈજા થઈ હતી જેને લઈ તે આવતા મહિને યોજાનારી T20 શ્રેણીમાં ભાગ લઈ શકશે નહીં.
ઘૂંટણમાં ઈજા થઈ
એક રિપોર્ટમાં ખુલાસો થયો છે કે સૂર્યાની ઈજા ખૂબ જ ગંભીર છે, જેના કારણે તે આગામી કેટલાક અઠવાડિયા સુધી ક્રિકેટથી સંપૂર્ણપણે દૂર રહેશે. જોહાનિસબર્ગમાં રમાયેલી છેલ્લી T20 મેચમાં ફિલ્ડિંગ કરતી વખતે સૂર્યાનો પગ વળી ગયો હતો, જેના કારણે તેને પગની ઘૂંટણમાં ઈજા થઈ હતી.
7 અઠવાડિયા માટે બહાર
સૂર્યા ODI શ્રેણીનો ભાગ નહોતો અને ન તો તે ટેસ્ટ ટીમનો ભાગ છે. આ સ્થિતિમાં તે T20 સિરીઝ બાદ દેશ પરત ફર્યો હતો. રિપોર્ટમાં જણાવવામાં આવ્યું છે કે મુંબઈ પરત ફર્યા બાદ સૂર્યાના પગની ઘૂંટીનું સ્કેન કરવામાં આવ્યું હતું, જેમાં ગ્રેડ-2 ફાટી ગયું હતું. આ સ્થિતિમાં તે તરત જ મેદાનમાં પરત ફરી શકશે નહીં અને તેને હાલ પૂરતો આરામ કરવો પડશે. બીસીસીઆઈના એક અધિકારીને ટાંકીને આ રિપોર્ટમાં કહેવામાં આવ્યું છે કે આ કારણે સૂર્યકુમાર લગભગ 7 અઠવાડિયા સુધી ક્રિકેટથી દૂર રહેશે. તે જાન્યુઆરીમાં અફઘાનિસ્તાન સામે થનારી ત્રણ મેચની ટી-20 શ્રેણીમાં પણ રમી શકશે નહીં.
