બેદરકારી / ધ્રાંગધ્રા સબજેલમાં કેદીઓને જલસા.! એકે રીલ્સ બનાવી તો બીજો ફોન પર કરી રહ્યો છે વાત, બાપ એવા બેટાનો વીડિયો વાયરલ

• સુરેન્દ્રનગરની ધ્રાંગધ્રા સબ જેલ ફરી આવી ચર્ચામાં
• આરોપીએ જેલમાં જ વીડિઓ બનાવી વાઈરલ કર્યો
• જેલ વિભાગની કામગીરી સામે સવાલ ઉઠ્યા

 સુરેન્દ્રનગરની ધ્રાંગધ્રા સબજેલમાં સજા કાપી રહેલ કેદી દ્વારા સોશિયલ મીડિયા પર રીલ્સ બનાવી વીડિયો વાયરલ કરતા જેલ પ્રશાસનની કામગીરી પર અનેક સવાલો ઉભા થઈ રહ્યા છે. ત્યારે જેલમાંથી આરોપીઓએ સોશિયલ મીડિયા પર વીડિયો વાયરલ કર્યો હતો. તેમજ આરોપીઓ દ્વારા જે વીડિયો વાયરલ કર્યો તે જેલમાં જ બનાવ્યો હોવાનું વીડિયોમાં સ્પષ્ટ જોઈ શકાય છે. આ વીડિયો સોશિયલ મીડિયામાં વાયરલ થતા જેલનાં સત્તાધિશોની કામગીરી પર અનેક પ્રશ્ન ઉભા થઈ રહ્યા છે.  આ વીડિયો સોશિયલ મીડિયા પર વાયરલ થતા જ જેલ પ્રશાસન દોડતું થઈ જવા પામ્યું હતું.