- કોસંબાના તરસાડી વિસ્તારમાં ડીઝલ ચોરી
- ટેન્કરમાંથી 2384 લીટર ડીઝલની ચોરી કરી ફરાર
- પોલીસ મથકે ફરિયાદ નોંધાતા તપાસ શરૂ
સુરતના કોસંબા તરસાડી વિસ્તારમાં આવેલ પેટ્રોલ પમ્પના કમ્પાઉન્ડમાં પાર્ક કરેલા ડીઝલ ભરેલા ટેન્કરને ટાર્ગેટ કરી તસ્કરો 2384 લીટર ડીઝલની ચોરી કરી ફરાર થયા.તસ્કરો. આ તસ્કરો એટલા બેખોફ હતા કે ચોકીદારે તેમને અટકાવવાનો પ્રયાસ કર્યો તો ચોકીદાર ને જબરજસ્તી ટ્રકમાં બેસાડી લઈ ગયા અને અધવચ્ચે હાઇ -વે પર છોડી મુક્યો હતો. આખી ઘટના સી.સી.ટીવીમાં કેદ થઈ હતી.પેટ્રોલ પમ્પ માલિકે કોસંબા પોલીસ મથકે ફરિયાદ નોંધાવતા પોલીસ આરોપીને પકડવા લાગી છે કામે
શી છે તસ્કરોની મોડસ ઓપરેન્ડી ?
સુરતના કોસંબા તરસાડી વિસ્તારમાં આવેલ પેટ્રોલ પમ્પના કમ્પાઉન્ડમાં પાર્ક કરેલા ડીઝલ ભરેલા ટેન્કરને નિશાન બનાવતા તસ્કરો ડીઝલની ચોરી કરી રહ્યા છે. સૌથી પહેલા તસ્કરો એક ટ્રક લઈને આવ્યા જેમાં ડીઝલ ચોરી કરવાની તમામ સામગ્રી હતી.બેખોફ તસ્કરો તરસાડી વિસ્તારમાં આવેલ મહા લક્ષ્મી પેટ્રોલ પમ્પના કમ્પાઉન્ડમાં પાર્ક કરેલા ડીઝલ ભરેલા ટેન્કરની બાજુમાં ટ્રક ઉભી કરી..અને ટેન્કર માંથી મોટર અને પાઇપો દ્વારા ચોરી કરવાનું શરૂ કર્યું.અર્ધું ટેન્કર ડીઝલ ચોર્યા બાદ તસ્કરો ટ્રક લઈને બહાર નીકળી રહ્યા હતા ત્યારે ચોકીદારે તેમને અટકાવ્યા તો ચોકીદાર ને રોડ પર આવવા કહુયું અને જેવો ચોકીદાર ટ્રક પાછળ રોડ પર ગયો તો તેને ડરાવી ધમકાવી ટ્રકની કેબિનમાં બેસાડી હાઇવે સુધી લઈ ગયા અને અધ વચ્ચે ચોકીદાર ને ઉતારી તસ્કરો ફરાર થઇ ગયા
ચોકીદાર એક, તસ્કર અનેક
તસ્કરોને ખબર હોય છે કે પેટ્રોલ પમ્પ પર સી.સી ટીવી લગાવેલા હોય છે છતાં બેખોફ તસ્કરો ટ્રક લઈને આવ્યાને ચોકીદાર હોવા છતાં 2384 લીટર ડીઝલ ટેન્કર માંથી ચોરી કરી અને ચોકીદાર ને ખબર પણ ના પાડી પણ જ્યારે ચોરીને અંજામ આપ્યા બાદ ટ્રક પેટ્રોલ પમ્પના કમ્પાઉન્ડમાંથી નીકળી ત્યારે ચોકીદારને અંદાજ આવી ગયો પણ તસ્કરોની સંખ્યા વધુ હોય ચોકીદાર પણ લાચાર બની ગયો. ત્યારે હવે કોસંબા પોલીસ આ ડિઝલ ચોર ગેંગ ને ક્યારે ઝડપી પાડે છે એ જોવું રહ્યું.
