પેંતરા / મોરબીમાં આસિફે અશોક બની છેતરી! સુરતમાં ત્રણ યુવતીઓને વિધર્મીઓએ ભગાડી, લવજેહાદના કિસ્સા ચિંતાજનક

• મોરબીમાં વિધાર્મિએ સગીરાને ફસાવી
• કતારગામ વિસ્તારમાં લવ જેહાદને લઈ વિરોધ
• લવ જેહાદને લઈ તાત્કાલિક કાર્યવાહી કરવાની લોકોની માંગ

લવ જેહાદના કેસમાં દિવસેને દિવસે વધારો જોવા મળી રહ્યો છે. વિધર્મીઓ દ્વારા યુવતીઓને ફસાવી લવ જેહાદ કરતા હોવાના અનેક કિસ્સાઓ છે. જેમાં દિલ્લીનો શ્રદ્ધા મર્ડર કેસ, ઝારખંડમાં આદિવાસી મહિલાની હત્યા જેવી ભયાનક ઘટનાઓ ચાડી ખાઈ રહી છે. મોરબીમાં પણ યુવતીઓને ફસાવવા વિધર્મીઓ દ્વારા જુદાજુદા પેંતર રચવામાં આવતા હોવાનું સામે આવી રહ્યું છે.

મોરબીની ચોંકાવનારી ઘટના

જેમાં વિધાર્મિએ હિન્દુ નામ ધારણ કરી સગીરાને ફસાવી તેની સાથે દુષ્કર્મ આચર્યું હોવાની ફરિયાદ એ ડિવિઝન પોલીસ સ્ટેશને નોંધાઇ હતી. તો બીજી ઘટના સુરતના કતારગામમાં એક જ માસમાં ત્રણ યુવતીઓને વિધર્મી લોકો ભગાડી ગયાનું સામે આવ્યું છે. આશિફ ઉર્ફે અશોક મામદભાઈ મકરાણી (રહે. મકરાણીવાસ મોરબી)એ તે પાંચ વર્ષ પહેલા ધો. 10 માં ભણતી હતી ત્યારે ચિઠ્ઠી ફેંકીને આપી હતી અને સંપર્કમાં આવ્યો હતો અને ત્યાર બાદ બન્ને વચ્ચે વાતચિત શરૂ થઈ હતી. ત્યારે તેને પોતાનું નામ અશોક જણાવેલ હતું. અને ઇન્દિરાનગરમાં તેના ભાડાના મકાનમાં લઈ ગયો હતો. થોડીવાર વાતચીત કરી શરીર સબંધ બાંધવા કહ્યું હતું ત્યારે તેને ના કહેતા આ શખ્સે બળજબરીથી દુષ્કર્મ આચર્યું હતું.આથી સગીરાના પરિવારજનોને જાણ થતાં અંતે એ ડિવિઝન પોલીસ સ્ટેશને નોંધાઇ હતી. જેને લઈને પોલીસે કાર્યવાહી હાથ ધરી આરોપીને દબોચી લીધો હતો.  તેના રીમાન્ડ લેવા આગળની કાર્યાવહી હાથ ધરી છે.

સુરતમાં એક માસમાં ત્રણ યુવતીઓને વિધર્મીઓ ભગાડી ગયા 

બીજી બાજુ સુરતના કતારગામ વિસ્તારમાં એક મહિનામાં કતારગામમાં ત્રણ યુવતીઓને વિધર્મીઓ ભગાડી ગયા હોવાનું સામે આવ્યું છે. જેને પગકે કતારગામ વિસ્તારમાં લવ જેહાદને લઈ વિરોધ કરાયો હતો.કતારગામમાં બાપા સીતારામ ચોક ખાતે લોકોએ એકઠા થઈ વિરોધ નોંધાવ્યો હતો. જેમાં લોકોએ સૂત્રોચ્ચાર અને બેનરો સાથે આક્રોશ ઠાલવ્યો હતો અને લવ જેહાદને લઈ તાત્કાલિક કાર્યવાહી કરવા માંગ ઉઠાવી હતી.