હેવાને હદ વટાવી / પડોશીએ એકલતા જોઈ 10 વર્ષની સગીરાની છાતી પર ફેરવ્યો હાથ, ત્યાંથી બંધ ન થતાં કર્યું આવું ખરાબ કામ, સુરત પોલીસે દબોચ્યો

• સુરતમાં પડોશી બન્યો હેવાન
• 10 વર્ષની માસૂમ બાળા પર નજર બગાડી
• સગીરા સાથે શારીરિક અડપલા કર્યા

સુરતના માંગરોળ તાલુકાના એક ગામમાં પાડોશીએ જ 10 વર્ષની માસૂમ બાળા પર નજર બગાડી હતી. આરોપીએ બાળાને રૂમમાં લઇ જઈ શારીરિક અડપલા કર્યા હતા. ઘટનાની જાણ પોલીસને કરતા પોલીસે ગણતરીની કલાકોમાં હવસખોર પાડોશીને દબોચી લીધો છે.

જાનથી મારી નાખવાની ધમકી પણ આપી
સુરત જિલ્લામાંથી વધુ એક શર્મસાર ઘટના સામે આવી હતી. માંગરોળ તાલુકાના એક ગામમાં 10 વર્ષની સગીરા તેની બહેન સાથે એકલી ઘરે હતી તે દરમિયાન બાજુની રૂમમાં જ રહેતા 48 વર્ષીય પાડોશીએ સગીરાની બહેનને પૈસા આપી દુકાન પર મોકલી આપી હતી અને એકલતાનો લાભ લઈને 10 વર્ષની સગીરા પર નજર બગાડી તેને રૂમમાં ખેંચી ગયો હતો અને શારીરિક અડપલા કર્યા હતા. સગીરાએ અવાજ કરતા તેણે જાનથી મારી નાખવાની ધમકી પણ આપી હતી.

પોલીસે આરોપીને દબોચ્યો
સગીરાને પોતાની સાથે ખરાબ વ્યવહાર થયો હોવાનું માલુમ પડતા જ તે ધ્રુજી ઉઠી હતી અને પોતાની માતાને સમગ્ર કૃત્યની જાણ કરતા તેઓની પગ નીચેથી જમીન સરકી ગઈ હતી. તેઓ પોલીસ મથકે દોડી આવ્યા ગયા હતા અને સમગ્ર મામલે ફરિયાદ નોંધાવી હતી. જે ફરિયાદના આધારે કોસંબા પોલીસે 48 વર્ષીય કલ્લું હરિશંકર ગૌડ નામના નરાધમને દબોચી તેની વિરૂદ્ધ કાર્યવાહી હાથધરી છે.