સુઓમોટો / કોલેજોમાં વધતા રેગિંગના ખતરાને લઈ ગુજરાત હાઈકોર્ટ દ્વારા સુઓમોટો, શિક્ષણ વિભાગને નોટિસ પાઠવી આ તારીખ સુધીમાં માંગ્યો જવાબ

• રાજ્યમાં મેડિકલ અને અન્ય કોલેજોમાં રેગિંગનો મામલો
• રેગિંગના ખતરાને લઈ ગુજરાત હાઈકોર્ટ દ્વારા સુઓમોટો
• હાઈકોર્ટે રાજ્યના શિક્ષણ વિભાગને પાઠવી નોટિસ

રાજ્યમાં મેડિકલ અને અન્ય કોલેજોમાં રેગિંગની ઘટનાઓ વધી રહી છે ત્યારે રેગિંગના ખતરાને લઈ ગુજરાત હાઈકોર્ટ દ્વારા સુઓમોટો અરજી દાખલ કરાઈ છે. હાઈકોર્ટે રાજ્યના શિક્ષણ વિભાગને નોટિસ પાઠવી 20 જાન્યુઆરી સુધીમાં જવાબ માંગ્યો છે. હાઇકોર્ટે શિક્ષણ વિભાગના અધિક મુખ્ય સચિવને નોટિસ પાઠવી છે.

HCએ અધિક મુખ્ય સચિવ પાસે 20 જાન્યુઆરી સુધીમાં માગ્યો જવાબ

મહત્વનું છે કે 2 સપ્તાહ પહેલા અમદાવાદની કોલેજમાં રેગિંગની ઘટના સામેં આવી હતી.અમદાવાદની બી.જે. મેડિકલ કોલેજ થયેલી રેગીંગની ઘટના બાદ હાઇકોર્ટે શિક્ષણ વિભાગને નોટિસ પાઠવી છે. ચીફ જસ્ટિસની અધ્યક્ષતાવાળી બેંચે હાઈકોર્ટના એક સિટિંગ જજના પત્ર બાદ સંજ્ઞાન લીધું છે.

2 સપ્તાહ પહેલા અમદાવાદની કોલેજથી રેગિંગની ઘટના સામે આવી હતી 

ગત ડિસેમ્બર માસમાં એટલે કે 2 સપ્તાહ પહેલા  બી.જે. મેડિકલના પ્રથમ વર્ષના વિદ્યાર્થીઓએ ત્રીજા વર્ષના સીનિયર રેસિડેન્સ ડોક્ટરો અને પીજી સ્ટુડન્ટ્સ સામે કરાયેલી રેગિંગની ફરિયાદ કરી હતી. આ મુદ્દે કોલેજની એન્ટિ રેગિંગ કમિટી નીમવામાં આવી હતી.જેમાં કમિટાએ આ મુદ્દે ત્રણથી ચાર સુધી સુનવણી હાથ ધરી હતી. ત્યારબાદ નિવેદનો લેવાયા હતા જેની તપાસ બાદ રેગિંગ કરનાર રેસિડેન્ટ ડોક્ટર 3 ડોક્ટરને સસ્પેન્ડ કરી દિધા હતા. જેમાં 2 ડોક્ટરને 3 ટર્મ અને એક રેસિડેન્ટ ડોક્ટરને 2 ટર્મ માટે સસ્પેન્ડ કરવામાં આવ્યા હતા.