- સુનીલ શેટ્ટી ટામેટાના કારણે થયા ટ્રોલ
- વધતા ભાવને લઈને આપ્યુ આવું નિવેદન
- બાદમાં માંગવી પડી માંફી
બોલિવુડના અન્ના સુનીલ શેટ્ટી હાલ ટામેટાના કારણે ખૂબ જ ચર્ચામાં છે. હકીકતે એક્ટરે હાલમાં જ ટામેટાની વધતી કિંમતો પર નિવેદન આપ્યું હતું. જેના બાદ સોશિયલ મીડિયા પર વિવાદ ઉભો થયો છે. સતત એક્ટરને તેના નિવેદનના કારણે ટ્રોલ કરવામાં આવી રહ્યો છે. હવે ટ્રોલિંગથી પરેશાન થઈને અભિનેતાએ તેના પર સ્પષ્ટતા આપી છે. આવો જાણીએ શું છે સમગ્ર વિવાદ.
સુનીલ શેટ્ટીએ ટામેટા પર આપ્યું વિવાદિત નિવેદન
દેશમાં લોકો હાલ ટામેટાની વધતી કિંમતોથી પરેશાન છે. એવામાં સુનીલ શેટ્ટીએ પણ પોતાના ઘરની સ્થિતિ શેર કરી અને જણાવ્યું કે તેની અસર તેમના કિચનમાં પણ પડી રહી છે. કારણ કે તેમનો પરિવાર ફ્રેશ શાકભાજી ખાવાનું પસંદ કરે છે. એક્ટર પોતાના ફોન એપથી શાકભાજી ઓર્ડર કરે છે. જેના ભાવમાં માર્કેટની તુલનામાં ખૂબ ફરક હોય છે.
હવે એક્ટરે ખેડૂતોની માંગી માફી
હવે સુનીલ શેટ્ટીના આ નિવેદને સોશિયલ મીડિયા પર બબાલ ઉભો કરી દીધો છે. લોકો એક્ટરને ખરાબ રીતે ટ્રોલ કરી રહ્યા છે. એવામાં સુનીલ શેટ્ટીએ પોતાના નિવેદન પર સ્પષ્ટતા આપતા ખેડૂતોની માફી માંગી છે.
તેમણે કહ્યું, "હું ખેડૂતોનું સમર્થન કરૂ છું. હું તેમના વિશે ખોટી ધારણા રાખવા વિશે વિચારી પણ નથી શકતો. મેં હંમેશા તેમના સમર્થનની સાથે કામ કર્યું છે. હું ઈચ્છુ છું કે અમે પોતાના દેશી ઉત્પાદનોને પ્રોત્યાહન આપીએ અને આપણા ખેડૂતોને હંમેશા માટે ફાયદો મળે."
મારા નિવેદનને ખોટી રીતે રજૂ કરવામાં આવ્યું
સુનીલ શેટ્ટીએ આગળ કહ્યું, "હું મારા દેશના બધા ખેડૂતોની ઈજ્જત કરૂ છું. જો તેમને મારી કોઈ પણ વાચનું ખોટુ લાગ્યું હોય કે તેમને ઠેસ પહોંચી હોય તો હું બધાની માફી માંગુ છું. કૃપા મારા નિવેદનને ખોટી રીતે રજૂ ન કરવામાં આવે."
