મનોરંજન / અથિયા અને કે.એલ રાહુલ કરશે લગ્ન? પિતા સુનીલ શેટ્ટીએ આપ્યો મોટો અપડેટ

• કેએલ રાહુલ અને અથિયા શેટ્ટી કરશે લગ્ન
• સુનીલ શેટ્ટીએ આપી માહિતી
• ઇન્ટરવ્યૂ દરમિયાન આપ્યું રિએક્શન

કેએલ રાહુલ અને અથિયા શેટ્ટીની વેડિંગની આતુરતાથી રાહ જોઇ રહેલા લોકો માટે ગુડ ન્યૂઝ છે. અથિયા અને કેએલ રાહુલ ટૂંક સમયમાં જ લગ્નનાં બંધનમાં બંધાવાના છે. આ માહિતી કોઇ બીજાએ નહીં પરંતુ અથિયાના પિતા સુનીલ શેટ્ટીએ એક ઇન્ટરવ્યૂમાં આપી છે. 

સુનીલ શેટ્ટીએ આપ્યુ રિએક્શન
જ્યારે તેમને પૂછવામાં આવ્યું કે  રાહુલ અને અથિયા ક્યારે લગ્ન કરવાનાં છે ત્યારે તેમણે જવાબ આપતાં કહ્યું કે 'ટૂંક સમયમાં'. એટલે કે સુનીલ શેટ્ટીએ કન્ફર્મ કર્યું છે કે આ લવ બર્ડસ્ રાહુલ અને અથિયા થોડાં જ સમયમાં લગ્ન કરવાનાં છે. 

આ પહેલા પર સુનીલ શેટ્ટીએ આ મુદે કરી હતી વાત
આ પહેલી ઘટના નથી કે જ્યાં સુનીલ શેટ્ટીએ અથિયા અને કેએલ રાહુલનાં લગ્ન અંગે વાત કરી હોય. આ પહેલાં પણ વર્ષની શરૂઆતમાં તેમણે બંનેના લગ્નની વાત પર રિએક્શન આપ્યું હતું. આ વિષે જ્યારે સુનીલ શેટ્ટીને પૂછવામાં આવ્યું  હતું ત્યારે તેમણે કહ્યું કે મને લાગે છે કે જ્યારે બાળકો નક્કી કરશે ત્યારે કરશું.  એશિયા કપ, વર્લ્ડ કપ, ઑસ્ટ્રેલિયા ટૂર વગેરેમાંથી બાળકોને જ્યારે સમય મળે ત્યારે.. એક દિવસમાં લગ્ન ન થઇ શકે. લગ્ન ત્યારે થશે જ્યારે બાળકો બ્રેક લેશે.

2021માં થયું હતું ઓફિશિયલ
અથિયા શેટ્ટી અને કેએલ રાહુલએ 2021માં તડપની સ્ક્રીનિંગ દરમિયાન પોતાના સંબંધને ઓફિશિયલ કર્યુ હતું. ભાઇ અહાન શેટ્ટીની પહેલી ફિલ્મ તડપનાં પ્રીમિયરમાં અથિયાએ કેએલ રાહુલની સાથે એન્ટ્રી લીધી હતી. પ્રીમિયર પર બંનેને સાથે જોઇને લોકોને ખબર પડી ગઇ કે બંને રિલેશનમાં છે. ત્યારબાદ ઘણીવાર તેમના લગ્નની ખબરો ઊડવા લાગી હતી.