- રાજ્યમાં હત્યા, હુમલો અને દુષ્કર્મનો બનાવ
- બનાવને પગલે પ્રશાસન સામે ઉઠ્યા સવાલ
- બોટાદમાં યુવકની હત્યાનો બનાવ
પૈસાની લેતીદેતી મામલે હત્યા થઈ હોવાનું પ્રાથમિક તારણ
બોટાદનાં શીરવાણીયા ગામે કેટલાક શખ્શો દ્વારા યુવકની હત્યા કરી દેતા ચકચાક મચી જવા પામી હતો. ત્યારે અલ્પેશ વીરજા નામનાં યુવાનની હત્યા થઈ હતી. પૈસાની લેતીદેતી મામલે હત્યા થઈ હોવાનું પ્રાથમિક તારણ છે. યુવાનને તીક્ષ્ણ હથિયાર મારી હત્યા કરાઈ હતી. ઘટનાની જાણ પાળીયાદ પોલીસને થતા પોલીસે ઘટનાં સ્થળે પહોંચી તપાસ હાથ ધરી હતી. તેમજ મૃતક યુવાનનાં મૃતદેહને પોસ્ટમોર્ટમ માટે હોસ્પિટલ ખસેડાયો હતો.
સમગ્ર ઘટના સીસીટીવીમાં કેદ
વાપીના હાઉસિંગ સોસાયટીમાં રહેતા યુવક પર કેટલાક લોકો દ્વારા હુમલો કર્યો હતો. સમગ્ર ઘટનાનાં સીસીટીવી પણ વાયરલ થયા હતા. સીસીટીવીમાં સ્પષ્ટ દેખાય છે કે ચાર શખ્શો દ્વારા યુવકને ઢોર માર માર્યો છે. જૂની અદાવતમાં યુવકને માર માર્યો હોવાનું જાણવા મળી રહ્યું છે. ઈજાગ્રસ્ત યુવકને સારવાર અર્થે હોસ્પિટલ ખસેડાયો હતો. ત્યારે આ સમગ્ર મામલે વાપી પોલીસે સીસીટીવીનાં આધારે ગુનો નોંધી તપાસ હાથ ધરી છે.
બાળકી પર દુષ્કર્મ આચરી કરી હત્યા
અમદાવાદના વટવામાં 7 વર્ષની બાળકીની દુષ્કર્મ કર્યા બાદ હત્યા કર્યાની ઘટના સામે આવી છે.. આ ઘટનાથી સમગ્ર પંથકમાં હાહાકાર મચી ગયો છે. 7 વર્ષની બાળકી પર પાડોશમાં જ રહેતા 40 વર્ષીય ઉમાશંકર શાહ નામના નરાધમે દુષ્કર્મ આચરતા લોકો તેના પર ફિટકાર વરસાવી રહ્યા છે. બાળકી પાડોશમાં રમવા ગઈ ત્યારે નરાધમે 3 કલાક સુધી બાળકીને ગોંધી રાખી હવસનો શિકાર બનાવી હતી. આરોપીએ દુષ્કર્મ બાદ ગળું દબાવી બાળકની હત્યા કરી નાખી હતી. સમગ્ર ઘટનાની જાણ આસપાસના લોકોને થતા આરોપીને માર માર્યો હતો જેને લઈ આરોપીને ઇજા થતા સિવિલ હોસ્પિટલમાં સારવાર હેઠળ ખસેડવામાં આવ્યો હતો.. વટવા પોલીસે સમગ્ર મામલે ગુનો નોંધી આગળની કાર્યવાહી હાથ ધરી છે..
