વાસ્તુશાસ્ત્ર / નકારાત્મક ઉર્જાનું સંચાલન કરે છે આવું શોપીસ, ભૂલથી પણ ઘર સજાવવામાં ન કરતા ઉપયોગ

• ઘર સજાવવાના ચક્કરમાં એવી ભૂલો કરી નાખે છે જે વાસ્તુ દોષનું કારણ બની જાય
• તાજમહેલ ભલે ખૂબ સુંદર હોય પણ તેની તસવીર કે શો પીસ ઘરમાં લગાવવી ન જોઈએ

ઘણી વખત લોકો ઘર સજાવવાના ચક્કરમાં એવી ભૂલો કરી નાખે છે જે વાસ્તુ દોષનું કારણ બની જાય છે. ઘરમાં તાજમહેલ શો પીસ રાખવો કે ફોટો લગાવવો લોકોને ઘણો પસંદ હોય છે. ઘણા લોકો ઘર સજાવવા માટે તાજમહેલનો શો પીસ અને ફોટો ઘરમાં લગાવે છે પણ અમે તમને જાણવી દઈએ કે દુનિયાની સાત અજાયબીમાંથી એક અજાયબી કહેવાતા તાજમહેલ ભલે ખૂબ સુંદર હોય પણ તેની તસવીર કે શો પીસ ઘરમાં લગાવવી ન જોઈએ. સાથે જ કોઈને ભેટ તરીકે પણ ન આપવું જોઈએ. 

ઘરમાં નકારાત્મકતા લાવે છે 
શાહજહાએ તેની પત્ની મુમતાઝની મૃત્યુ પછી તેની યાદમાં તાજમહલ બનાવડાવ્યો હતો, હિંદુ ધર્મમાં કબ્રિસ્તાન કે સમાધિની તસ્વીર ઘરમાં રાખવી શુભ નથી માનવામાં આવતી. એવું કહેવામાં આવે છે કે એવી તસ્વીરો ઘરમાં નકારાત્મકતા લાવે છે. એટલા માટે ઘરમાં ક્યારેય તાજમહેલનું શોપીસ કે તેનો ફોટો ન લગાવવો જોઈએ. 

વાસ્તુ દોષ 
વાસ્તુ શાસ્ત્ર મુજબ દુઃખ, સમાધિ, મૃત્યુથી જોડાયેલ તાજમહેલ ઘરમાં રાખવાથી વાસ્તુદોષ ઉદ્ભવે છે. આવા વાસ્તુ દોષ ઘણાં પ્રકારની સમસ્યા લઈને આવે છે, તેનાથી ઘરના લોકોની તરક્કીમાં પણ અડચણ આવે છે. સાથે જ ઘરમાં બીમારીઓનું પણ આગમન થાય છે. એ સાથે આર્થીક તંગીનો પણ સામનો કરવો પડે છે. 

એટલા માટે જ કોઈને પણ તાજમહેલની તસ્વીર કે શોપીસ ભેટમાં પણ ન આપવી જોઈએ. તેને પણ શુભ માનવામાં નથી આવતું. જો તમારી પાસે તાજમહેલનું શો પીસ કે તસ્વીર હોય તો તેને ભૂલથી પણ ઘરમાં સજાવીને રાખતાં નહીં.