ગુજરાતથી તબીબી અભ્યાસ માટે 2019થી 2021 વચ્ચે ગયેલા વિદ્યાર્થીઓને ફિલીપીન્સમાં પરીક્ષામાં બેસવા ન દેવાતાં વિદ્યાર્થીઓનું ભાવિ અંધકારમાં ધકેલાયું છે.
Share
ગુજરાતના અંદાજે ૩૦૦૦ થી વધુ વિદ્યાર્થીઓનું ભવીષ્ય જોખમમાં
સુરતના મેડિકલમાં અભ્યાસ કરતા 400 વિદ્યાર્થીઓ અટવાયા
ફિલીપીન્સ અભ્યાસ માટે ગયેલા વિદ્યાર્થીઓ અટવાયા, વાલીઓ મૂંઝાયા
શિક્ષણના નિયમોની આંટીઘુંટીના વાંકે સુરતના 400 અને ગુજરાતભરના ૩૦૦૦ થી વધુ વિદ્યાર્થીઓ ફિલીપીન્સ દેશમાં અટવાયા હોવાની ઘટના સામે આવી છે. તબીબી અભ્યાસ માટે 2019થી 2021 વચ્ચે ગયેલા વિદ્યાર્થીઓને ફિલિપાઇન્સમાં પરીક્ષામાં બેસવા ન દેવાતાં તેમના આ વિદ્યાર્થીઓનું ભાવિ અંધકારમાં ધકેલાયું છે. કારણ કે ભારત સરકારે વિદેશમાં તબીબી અભ્યાસના ફિલિપાઇન્સ માટેનું ગેઝેટ 2021માં બહાર પાડ્યું હતું. એટલું જ નહીં તે પહેલા ફિલીપીન્સ ગયેલા વિદ્યાર્થીઓને અમાન્ય ગણવામાં આવ્યા છે.જેના કારણે સુરતના 400 વાલીઓ ચિંતામાં મુકાયા છે.
Next ની પરીક્ષાની મંજૂરી નહિ મળતા વિદ્યાર્થીઓનાં ભવિષ્ય દાવ પર
2021માં સરકાર દ્વારા ગેઝેટ બહાર પાડવામાં આવ્યા બાદ તેના નિયમો તૈયાર કરાયા છે. આ નિયમોને લઇને 2019થી 2021 વચ્ચે ફિલીપીન્સ ગયેલા વિદ્યાર્થીઓને પરીક્ષાઓમાં બેસવા દેવાયા નથી. વિદ્યાર્થીઓ અને વાલીઓ આ ગંભીર પરિસ્થિતીને લઇને મદદની ગુહાર લગાવી રહ્યા છે. વાલીઓની માગ છે કે ગેઝેટમાં એક વખત તમામ વિદ્યાર્થીઓને છૂટ આપવામાં આવે. જેથી 2021 પહેલાના વિદ્યાર્થીઓ પણ પરીક્ષા આપી શકે.
મહત્વનું છેકે વિદેશના માન્ય તબીબી કોર્સમાં ફિલીપીન્સનો પણ સમાવેશ થાય છે. આમ છતાં ફિલીપીન્સમાં બાળકો ફસાતાં વાલીઓએ રોષ સાથે પોતાની મજબૂરી વ્યક્ત કરી રહ્યા છે. વાલીઓના જણાવ્યા મુજબ ભારતમાં પ્રાઇવેટમાં તબીબી શિક્ષણમાં 1 કરોડનો ખર્ચ થાય છે. જો કે ફિલીપીન્સમાં 20 લાખનો ખર્ચ થાય છે. જેથી બાળકોને ફિલીપીન્સ મોકલવા વાલીઓની મજબૂરી છે. ફિલીપીન્સમાં ફસાયેલા વિદ્યાર્થીઓની આ સ્થિતી ફક્ત સુરતની નથી. પરંતુ સમગ્ર ગુજરાતમાંથી ફિલિપાઇન્સમાં મેડિકલ ક્ષેત્રે અભ્યાસ માટે ગયેલા કુલ 3 હજાર વિદ્યાર્થીઓની છે. જેઓ કરોડો રૂપિયા ખર્ચીને વિદેશ અભ્યાસાર્થે ગયા હતા. સમગ્ર મામલે વાલીઓ આ સમસ્યાનું નિરાકરણ લાવવાની માગ કરી રહ્યા છે.
