સુનાવણી / 'જવાબદાર અધિકારીઓના નામ-નંબર સહિતની વિગતો કોર્ટના રેકોર્ડ પર મૂકવી', બિસ્માર રસ્તા, રખડતા ઢોર મુદ્દે ગુજરાત હાઇકોર્ટનો આદેશ

• રાજ્યના બિસ્માર રસ્તા, રખડતા ઢોર, ટ્રાફિકની સમસ્યાનો મામલો
• HCનો રાજ્ય સરકાર સહિતના તમામ પક્ષકારોને આદેશ
• તમામ મનપા-નપા અને રાજ્ય સરકારને માહિતી મુકવા આદેશ

રાજ્યના બિસ્માર રસ્તા, રખડતા ઢોર, ટ્રાફિકની સમસ્યા મામલે હાઈકોર્ટે મહત્વનો આદેશ કર્યો છે. રાજ્ય સરકાર સહિતના તમામ પક્ષકારોને તેમજ તમામ મનપા-નપા અને રાજ્ય સરકારને માહિતી મુકવા આદેશ કર્યો છે. જવાબદાર અધિકારીઓના નામ-નંબર સહિતની વિગતો કોર્ટમાં મુકવા પણ આદેશ કર્યો છે.

પક્ષકારોને સાંભળ્યા વિના કોઈ હુકમ નહીં કરે: HC
એક જ દિવસમાં કોર્ટના રેકોર્ડ પર મૂકવા હાઇકોર્ટે આદેશ કર્યો છે.  હોઈકોર્ટે આદેશ કર્યો છે કે, કોર્ટના હુકમ પાલનની જવાબદારી કોની બને તેનાથી કોર્ટને અજાણ રાખી શકાય નહીં. તેમજ કોર્ટના હુકમના તિરસ્કારની કાર્યવાહી જેમની સામે કરવાની છે તેની માહિતી આપો. વધુમાં આદેશ કર્યો છે કે, પક્ષકારોને સાંભળ્યા વિના કોઈ હુકમ નહીં કરે અને કોર્ટના હુકમની સીધે-સીધી અવમાનના દેખાઈ આવે છે

રખડતા ઢોરનો ત્રાસ
ગુજરાતમાં રખડતા ઢોરના ત્રાસથી જનતા ત્રાહિમામ પોકારી ઉઠી છે. તો બીજી બાજુ તંત્ર આ બાબતને લઇને મૌન સેવી રહ્યું છે. ત્યારે હજુ પણ રસ્તા પર ફરતા પશુઓના કારણે વાહનચાલકો, રાહદારીઓ અને નાના બાળકોથી લઈને વૃદ્ધો સતત તેનો ભોગ બની રહ્યાં છે. છેલ્લા કેટલાય સમયથી રાજ્યમાં ક્યાંક ને ક્યાંક કોઇનું આ રખડતા ઢોરના કારણે મૃત્યુ થાય છે. ત્યારે આ મામલે ગુજરાત હાઈકોર્ટે મહત્વનો આદેશ કર્યો છે. સાથો સાથ બિસ્માર રસ્તાઓ અને ટ્રાફિકની સમસ્યા મુદ્દે પણ આદેશ કર્યો છે.