મોજમાં માર્કેટ / Stock Market : શેર બજાર ફરી ફૂલ બહાર, રોકાણકારોને 5 લાખ કરોડનો ફાયદો, આ શેરોએ પકડી રફતાર

• શેરબજારમાં સોમવારે સતત બીજા દિવસે તેજી
•  મુખ્ય સૂચકાંકો લીલા નિશાનમાં બંધ રહેતા રોકાણકારો
• સેન્સેક્સ 330 પોઈન્ટના ઉછાળા સાથે 64,112 પર બંધ

શેર બજારના જાણે દિવાળી દેખાઈ હોય તેમ આવકારદાય તેજી જોવા મળી રહી છે. જે તેજી આજે બીજા દિવસે પણ યથાવત રહેવા પામી હતી. શેરબજારમાં આજે સોમવારે સતત બીજા દિવસે ઉછાળો જોવા મળતા રોકાણકારોને જલસા પડી ગયા હતા. બજારમાં નીચલા સ્તરેથી મજબૂત રિકવરીને કારણે મુખ્ય સૂચકાંકો લીલા નિશાનમાં બંધ થયા છે. વાત કરવામાં આવે BSE સેન્સેક્સની તો તેમાં 330 પોઈન્ટનો જબરદસ્ત ઉછાળો જોવા મળ્યો હતો. જેને લઈને BSE સેન્સેક્સ 64,112 પર બંધ રહ્યો હતો. બીજી તરફ નિફ્ટીમાં પણ 93 પોઈન્ટનો વધારો નોંધાયો હતો. જેને લઈને નિફટી 19,140 પર સ્થિર થયો હતો.

BPCL ચાર ટકાનો વધારો
શેર બજારની મજબૂતાઈ પાછળ બેન્કિંગ, રિયલ્ટી અને ઓઈલ એન્ડ ગેસ સેક્ટરના શેરોનો મોટો હાથ જોવા મળ્યો હતો. જ્યારે એફએમસીજી અને ઓટો સેક્ટરમાં ધાર્યા પરિણામ મળ્યા ન હતા. આ અગાઉ શુક્રવારે ભારતીય શેરબજારમાં 6 દિવસ બાદ ખરીદી દેખાઈ હતી. BSE સેન્સેક્સ 634 પોઈન્ટ ઘટીને 63,782 પર બંધ રહ્યો હતો. નિફ્ટી શેરમાં આજે BPCL ચાર ટકા, Ultratech 2.30 ટકા અને રિલાયન્સ આઈએનડી 2.30 ટકા તથા ONGC 2.3 ટકા વધ્યો હતા.

2 દિવસમાં લગભગ 5.5 લાખ કરોડ રૂપિયાનો તાગડો નફો

એક્સચેન્જના ડેટા અનુસાર વાત કરવામાં આવે તો રોકાણકારોએ 2 દિવસમાં લગભગ 5.5 લાખ કરોડ રૂપિયાનો તાગડો નફો મળ્યો છે. કારણ કે BSE પર લિસ્ટેડ કંપનીઓની કુલ માર્કેટ કેપ રૂ. 311.69 લાખ કરોડ થવા પામી છે. જે 26 ઓક્ટોબરે રૂ. 306.04 લાખ કરોડ હતી. તેમાં વધારો નોંધાતા નફો વધ્યો છે.