તેજી / માર્કેટમાં મોજે દરિયા.! શેર બજારમાં તમામ જૂના રેકોર્ડ ધ્વસ્ત.! સેન્સેક્સ અને નિફ્ટીએ રચ્યો નવો ઈતિહાસ, જુઓ કોને બખ્ખાં

• શેર બજારમાં નવો રેકોર્ડ નોંધાયો
• બીએસસી સેન્સેક્સ 67,619 ની સપાટી
• નિફ્ટી પણ 146 અંક ઉપર જઈ અને 19,979 પર અટક્યો

આજે 20 જુલાઈના દિવસે શેર બજારમાં ઘણા રેકોર્ડ નોંધાયા છે. સેન્સેક્સ, નિફ્ટી અને બેંક નિફ્ટીએ ઇન્ટ્રા ડે માં નવો કીર્તિમાન સ્થાપ્યો છે. બીએસસી સેન્સેક્સ 67,619 ની સપાટી સુધી પહોંચી ગયો હતો. બાદમાં ઇન્ડેક્સના ફાઇનલ ક્લોઝિંગમાં 474 અંક વધીને 67, 571 પર બંધ રહ્યો હતો. તે જ રીતે નિફ્ટી પણ 146 અંક ઉપર જઈ અને 19,979 પર અટક્યો હતો. ઇન્ટ્રાડે માટે 19,991 સુધી પહોંચ્યો હતો.

કોટક બેંક, icici bank ના શેર નિફટીમાં ટોપ ગેઇનર

બજારની રેકોર્ડ બ્રેક તેજીને પગલે બેન્કિંગ ફાર્મા અને એફએમસીજી શેરોમાં જબરદસ્ત ઉછાળો જોવા મળ્યો હતો. જેમાં આઇટીસી, કોટક બેંક, icici bank ના શેર નિફટીમાં ટોપ ગેઇનર રહ્યા હતા. જ્યારે ઈન્ફોસીસમાં બે ટકાનો કડાકો પણ નોંધાયો હતો. અગાઉ ભારતીય બજારો પણ હાઈ રેકોર્ડ સાથે બંધ રહી હતી. 302 પોઇન્ટના વધારા સાથે સેન્સેક્સ 67,097 પર અટક્યો હતો.

મહત્વનું છે કે દુનિયાભરની બજારમાં મજબૂત સંકેતો અને ડોલર સામે ભારતીય રૂપિયો સુધારવા સહિતના અનેક સંકેતોને લઈને શેર માર્કેટ મોજમાં જોવા મળ્યું હતું. જેને લઈને રોકાણકારો રાજીના રેડ થયા હતા.