VIDEO / ઉજ્જૈનના મહાકાલ મંદિરમાં અચાનક પતરાનો શેડ પડતા શ્રદ્ધાળુઓમાં અફરાતફરી મચી, ભક્તો થયાં ઘાયલ

• ઉજ્જૈનના મહાકાલ મંદિરમાં મોટી દુર્ઘટના થતાં રહી ગઈ
• પતરાનો શેડ પડી જતાં અનેક ભક્તો ઘાયલ થયાં
• વરસાદ થતાં ભક્તોમાં ભાગદોડ મચી, પતરાના શેડ નીચે આવ્યા અને શેડ પડ્યો

ઉજ્જૈનના રુદ્રસાગર વિસ્તારમાં પતરાનો શેડ પડી જવાના કારણે મહાકાલ મંદિરમાં દર્શન કરવા પહોંચેલા શ્રદ્ધાળુઓમાં ભાગદોડ મચી ગઈ હતી. ઘટનાસ્થળે પહોંચેલી પોલીસે જેમ તેમ કરીને મોર્ચો સંભાળી લીધો હતો. કહેવાય છે કે, વરસાદના કારણે શ્રદ્ધાળુઓ શેડની નીચે ઊભા હતા. જ્યાં અમુક શ્રદ્ધાળુઓ ઘાયલ થયા હોવાની વાત સામે આવી રહી છે. હાલમાં પોલીસ ટીમ મોર્ચો સંભાળી લીધો છે. 

હકીકતમાં જોઈએ તો, શ્રાવણનો સોમવાર હોવાના કારણે અહીં હજારોની સંખ્યામાં શ્રદ્ધાળુઓ બાબા મહાકાલના દર્શન કરવા પહોંચ્યા હતા. શ્રદ્ધાળુઓની સંખ્યા વધી જતાં અચાનક અફરાતફરી મચી ગઈ હતી. વરસાદ થવાના કારણે શ્રદ્દાળુઓ એક શેડ નીચે આવીને ઊભા હતા. શ્રદ્ધાળુઓની સંખ્યા વધી જતાં લોડ થતાં ટીન શેડ નીચે પડ્યો હતો. જેનાથી શ્રદ્ધાળુઓને ઈજા થઈ હતી. જો કે, પોલીસે તાત્કાલિક મોર્ચો સંભાળી લીધો હતો. 

pic.twitter.com/vCJamhdRWG

— अजीत तिवारी (@ajittiwari24) July 25, 2022

દર્શન વ્યવસ્થા એકદમ ફેલ 

શ્રાવણના મહિનાનો બીજો સોમવાર હોવાના કારણે મહાકાલેશ્વર મંદિરમાં દર્શન માટે હજારોની સંખ્યામાં દેશભરમાં લોકો અહીં પહોંચી રહ્યા છે. આ જ કારણ છે કે, જિલ્લા પ્રશાસન અને મંદિર દ્વારા પૂર્વાનુમાન લગાવીને કરવામાં આવેલા દર્શન વ્યવસ્થા એકદમ ફેલ ગઈ છે. સ્થિતિ એવી થઈ છે કે, ભીડમાં દબાઈને શ્રદ્ધાળુઓ બેભાન થઈ રહ્યા છે. તેમના પરિજનોએ જિલ્લા હોસ્પિટલોમાં દાખલ કર્યા હતા.