મનોરંજન / SS રાજામૌલી નહીં કરે RRR 2નું નિર્દેશન, શું મેકર્સ હોલીવુડના નિર્માતાઓ સાથે મિલાવશે હાથ?

• 'RRR'ના લેખક અને એસએસ રાજામૌલીના પિતાએ આપી અપડેટ  
• વિજયેન્દ્ર પ્રસાદે 'RRR 2' સંબંધિત કર્યો મોટો ખુલાસો  
• 'RRR'ની સિક્વલ પર કામ શરૂ કરી દીધું છે પણ.. 

'RRR'ના ચાહકો માટે એક સારા સમાચાર અને ચોંકાવનારી વાત સામે આવી છે. વાસ્તવમાં, 'RRR'ના લેખક અને એસએસ રાજામૌલીના પિતા વિજયેન્દ્ર પ્રસાદે ફિલ્મની સિક્વલને લઈને મોટો ખુલાસો કર્યો છે. ઈન્ટરવ્યુમાં વિજયેન્દ્ર પ્રસાદે જે પણ કહ્યું તે સાંભળ્યા પછી કેવી પ્રતિક્રિયા આપવી તે ચાહકો સમજી શકતા નથી. ચાહકો એક તરફ તે ખુશ છે તો બીજી તરફ નારાજ છે. પરંતુ, સવાલ એ ઊભો થાય છે કે વિજયેન્દ્ર પ્રસાદે 'RRR 2' સંબંધિત આવો શું ખુલાસો કર્યો છે?ચાલો જાણીએ.

વિજયેન્દ્ર પ્રસાદનો ખુલાસો
વિજયેન્દ્ર પ્રસાદે એક તેલુગુ ટીવી ચેનલને આપેલા ઈન્ટરવ્યુમાં જણાવ્યું કે તેણે 'RRR'ની સિક્વલ પર કામ શરૂ કરી દીધું છે. તેણે કહ્યું, "અમે રામ ચરણ અને જુનિયર એનટીઆરની ફિલ્મ 'RRR'ની સિક્વલ બનાવવાની યોજના બનાવી રહ્યા છીએ. આ ફિલ્મમાં બંને સ્ટાર્સ હશે અને તે હોલિવૂડની ફિલ્મોની જેમ બનાવવામાં આવશે. ફિલ્મની સિક્વલ માટે હોલિવૂડના નિર્માતાને સામેલ  કરવાના પ્રયાસો કરવામાં આવી રહ્યા છે. સાથે જ એવી પણ શક્યતા છે કે આ ફિલ્મનું નિર્દેશન એસએસ રાજામૌલી દ્વારા નહીં કરવામાં આવે પરંતુ તેમની દેખરેખ હેઠળના કોઈ અન્ય વ્યક્તિ દ્વારા કરવામાં આવે."

#RRRMovie sequel CONFIRMED✅

"We are planning to make a sequel of #RamCharan - #NTR's #RRR.

It will be in Hollywood Standards.

The movie will either be directed by SS Rajamouli or someone under SSR supervision.

Mahabaratham : The dream project of SS Rajamouli will commence… pic.twitter.com/2rogZwRsOI

— Manobala Vijayabalan (@ManobalaV) July 10, 2023

એસએસ રાજામૌલી મહાભારત પર કામ શરૂ કરશે 
વિજયેન્દ્ર પ્રસાદે વધુમાં કહ્યું કે, એસએસ રાજામૌલી 'SSMB 29'નું કામ પૂર્ણ કર્યા પછી જ 'RRR 2' પર કામ શરૂ કરી શકે છે.'SSMB 29'માં મહેશ બાબુ છે અને આ ફિલ્મ 'RRR' કરતા ઘણી મોટી હશે.એસએસ રાજામૌલી 'SSMB 29' સમાપ્ત કર્યા પછી તેમના ડ્રીમ પ્રોજેક્ટ 'મહાભારત' પર કામ શરૂ કરવા માંગે છે.