- શાહરૂખ ખાને ઈન્ડસ્ટ્રીમાં 31 વર્ષ પૂર્ણ કર્યા છે
- ટ્વિટર પર અભિનેતાએ ASK Srk સેશન યોજ્યું હતું
- ફેને શાહરૂખને સિગારેટની ઓફર કરી હતી
બોલિવૂડના બાદશાહ શાહરૂખ ખાને ઈન્ડસ્ટ્રીમાં 31 વર્ષ પૂર્ણ કર્યા છે. શાહરુખ ખાને ફિલ્મ દિવાનાથી બોલિવૂડમાં એન્ટ્રી કરી હતી. હવે આ ખાસ અવસર પર, અભિનેતાએ ASK Srk સેશન યોજ્યું હતું. આ દરમિયાન તમામ ચાહકોએ તેને સવાલો પૂછ્યા જેના જવાબ અભિનેતાએ તેના મોજીલા અંદાજમાં આપ્યા હતા.
ફેને શાહરૂખને સિગારેટની ઓફર કરી હતી
આ સેશન દરમિયાન એક ફેને શાહરૂખ ખાનને સિગારેટ પીવાની ઓફર કરી હતી. ફેને ટ્વિટ કરીને લખ્યું, 'શું તમે સાથે સિગારેટ પીશો?' જવાબમાં શાહરૂખે લખ્યું, 'હું મારી ખરાબ આદતો એકલો જ કરું છું.' શાહરૂખના આ જવાબે ચાહકોનું દિલ જીતી લીધું. અભિનેતાનું આ ટ્વીટ સોશિયલ મીડિયા પર વાયરલ થઈ રહ્યું છે.
આ સિવાય એક ફેને પૂછ્યું કેદિવાનાના સેટમાંથી એક એવી કઈ વસ્તુ છે જે તમે ક્યારેય નહીં ભૂલી શકો? તેના પર શાહરૂખે કહ્યું, 'દિવ્યાજી અને રાજ જી સાથે કામ કરવાનો અનુભવ'. અન્ય એક ચાહકે શાહરૂખને પૂછ્યું કે તેણે જવાનને જોવા માટે કેવી રીતે તૈયારી કરવી જોઈએ અને શું તેણે પાટો પહેરીને ફિલ્મ જોવા માટે થિયેટરમાં જવું જોઈએ. આના પર શાહરૂખે જવાબ આપ્યો, "નહી બેટે જવાન કે દિન જવાની કે જોશ મેં થિયેટર પર જાના હૈ!"
શાહરૂખ ખાનનું વર્કફ્રન્ટ
જણાવી દઈએ કે શાહરૂખ ખાન 4 વર્ષ બાદ ફિલ્મ પઠાણથી મોટા પડદે પરત ફર્યો હતો. આ ફિલ્મને ચાહકો દ્વારા સારો પ્રતિસાદ મળ્યો હતો. આ પછી અભિનેતા ટૂંક સમયમાં તેની આગામી ફિલ્મ જવાનમાં જોવા મળશે. ફિલ્મમાં નયનતારા પણ લીડ રોલમાં છે. આ ફિલ્મ 7 સપ્ટેમ્બર 2023ના રોજ સિનેમાઘરોમાં રિલીઝ થશે. આ સિવાય એક્ટર ડંકી ફિલ્મના શૂટિંગમાં પણ વ્યસ્ત છે.
