ઉપાય / રાડ પડાવી દેનાર બવાસીરમાંથી તરત મળી જશે આરામ, રસોડાની આ ચીજ લાગી જશે કામમાં

• મોટાભાગના લોકોના લોકોને હોય છે પાઈલ્સની સમસ્યા
• પાઈલ્સથી મળ ત્યાગ કરતી વેળાએ અનુભવાય છે ખૂબ જ મુશ્કેલી
• ઘરગથ્થુ ઉપચારથી થઇ શકે છે રાહત

આજે ખોટા પ્રકારની લાઇફ સ્ટાઇલને પગલે મોટાભાગના લોકોમાં પાઈલ્સએ સૌથી મોટી સળગતી સમસ્યા બની ગઈ છે. જેને આપણે સામાન્ય ભાષામાં બવાસીર તરીકે ઓળખીએ છીએ. ખૂબ જ જટિલ ગણાતી આ સમસ્યા ખરાબ પાચન તંત્રને પગલે જન્મે છે અને તેનાથી વ્યક્તિ ખૂબ જ પરેશાની ભોગવતો હોય છે. આ એક એવી સમસ્યા છે જેમાં મળ માર્ગમાં સોજો આવે છે અને મળનો ત્યાગ કરતી વેળાએ ખૂબ જ મુશ્કેલીનો સામનો કરવો પડે છે. આ ઉપરાંત બેચેની પણ અનુભવાય છે અને ઉઠવા બેસવામાં પણ ખૂબ મુશ્કેલીનો સામનો કરવાનો વારો આવતો હોય છે. જો સમયાંતરે તેનો ઈલાજ કરવામાં ન આવે તો ક્યારેક ઓપરેશન કરવાની પણ નોબત આવતી હોય છે. પરંતુ આ સમસ્યા સામે કેટલાક ઘરેલુ ઉપાય એવા છે જેનાથી રાહત મેળવી શકાય છે.

હળદરએ ઔષધીય ગુણોથી ભરપૂર હોવાથી પ્રાચીન સમયથી જ તેને સ્વાસ્થ્ય સંબંધી સમસ્યાઓ દૂર કરવા માટે ઉપયોગમાં લેવામાં આવે છે ત્યારે હળદર પાઈલ્સમાં પણ ખૂબ જ રાહતરૂપ સાબિત થઈ શકે છે. હળદરમાં રહેલું કકર્યુંમીન તત્વ તથા એન્ટિસેપ્ટિક અને એન્ટીવાયરલ તથા એન્ટિઓક્સિડન્ટ અને એન્ટિકારસીનોજેનિક ગુણો પાઈલ્સની સમસ્યા સામે પ્રાથમિક તબ્બકે રાહત આપે છે.

હળદર અને નારિયેળના તેલ

હળદર અને નારિયેળના તેલને મિક્સ કરી બવાસીરમાં લગાવવાથી રાહત મળી રહે છે. હળદરમાં બળતરા દૂર કરવાના ગુણ હોવાથી પીડાથી છુટકરો મળી શકે છે. હળદર અને નાળિયેર તેલને રૂ વડે બવાસીર પર લગાવવું!

ડુંગળીનો રસ અને હળદર
વધુમાં ડુંગળીનો રસ અને હળદર લગાવવાથી પણ રાહત મળે છે.  ડુંગળીમાંથી રસ કાઢી લીધા બાદ સરસવનું તેલ અને હળદર મિક્સ કરી પાઈલ્સ પર લગાવી 30 મિનિટ રાખવાથી ફાયદો થઈ શકે છે.

એલોવેરા જેલ અને હળદરની પેસ્ટ

વધુમાં એલોવેરા જેલ અને હળદરની પેસ્ટથી પણ દુખાવામાં રાહત મળે છે. એલોવેરામાં પણ બળતરા દૂર કરવાના ગુણ હોય છે.બીજી બાજુ હળદરમાં સરસવના તેલને ભેળવીને પણ પાઈલ્સ પર લગાવવામાં આવે તો લોહી  બંધ થઈ શકે છે અને સોજો પણ ઓછો થઈ શકે છે.