- અક્ષય તૃતીયાના દિવસે શુભ સંયોગનું થશે નિર્માણ.
- શુભ સંયોગમાં સોનુ ખરીદવાથી આવશે સુખ અને સમૃદ્ધિ.
- જાણો અખાત્રીજના દિવસે સોનુ ખરીદવાનું શુભ મુહૂર્ત.
હિંદુ પંચાંગ અનુસાર વૈશાખ માસની શુક્લ પક્ષની ત્રીજના રોજ અખાત્રીજ (અક્ષય તૃતીયા) ઊજવવામાં આવે છે. જે ક્યારેય પણ ના ખૂટે તેને અક્ષય ગણવામાં આવે છે. અક્ષય તૃતીયાના દિવસે શુભ કામ, જપ અને તપ, દાન પુણ્ય કરવાથી અક્ષય ફળ પ્રાપ્ત થાય છે. આ દિવસે સોનાની ખરીદીને શુભ માનવામાં આવે છે. સોનુ ખરીદવાથી અપાર સુખ અને સમૃદ્ધિ પ્રાપ્ત થાય છે. આ વર્ષે અક્ષય તૃતીયાના દિવસે અનેક શુભ સંયોગ બની રહ્યા છે, જેનાથી સોનાની ખરીદીના મહત્ત્વમાં વૃદ્ધિ થશે. આ શુભ સંયોગ વિશે અને શુભ મુહૂર્ત વિશે અહીંયા વિગતવાર જાણકારી આપવામાં આવી છે.
અક્ષય તૃતીયા
22 એપ્રિલના રોજ સવારે 07:49 વાગ્યે અક્ષય તૃતીયા શરૂ થશે અને 23 એપ્રિલના રોજ સવારે 07:47 વાગ્યે પૂર્ણ થશે. આ કારણોસર 22 એપ્રિલના રોજ અક્ષય તૃતીયા ઊજવવામાં આવશે. આ દિવસે સૌભાગ્ય દાતા દેવગુરુ ગુરુ ગ્રહ ગોચર કરીને મેષ રાશિમાં પ્રવેશ કરશે. 12 વર્ષ પછી ગુરુ ગ્રહ મેષ રાશિમાં પ્રવેશ કરશે, જેથી આ ગોચર શુભ ફળદાયી સાબિત થશે.
પૂજાનું શુભ મુહૂર્ત
22 એપ્રિલ- સવારે 07:49 વાગ્યાથી બપોરે 12:20 સુધી
સોનાની ખરીદી માટે શુભ મુહૂર્ત
22 એપ્રિલના રોજ સવારે 07:49 વાગ્યાથી 23 એપ્રિલના રોજ સવારે 07:47 વાગ્યા સુધી
શુભ યોગ
પંચાંગ અનુસાર આ વર્ષે અક્ષય તૃતીયાના દિવસે 6 શુભ યોગ બની રહ્યા છે, જેનાથી આ દિવસના મહત્ત્વમાં વૃદ્ધિ થશે. સોના ચાંદીની ખરીદી કરવાથી માઁ લક્ષ્મીની કૃપા પ્રાપ્ત થશે. ઘરમાં સુખ અને સમૃદ્ધિ આવશે.
આયુષ્માન યોગ- 21 એપ્રિલના રોજ સવારે 11 વાગ્યાથી 22 એપ્રિલના રોજ સવારે 9:26 વાગ્યા સુધી
સૌભાગ્ય યોગ- 22 એપ્રિલના રોજ સવારે 9:26 વાગ્યાથી 23 એપ્રિલના રોજ સવારે 8:22 વાગ્યા સુધી
ત્રિપુષ્કર યોગ- 22 એપ્રિલના રોજ સવારે 5:49 વાગ્યાથી સવારે 7:49 વાગ્યા સુધી
સર્વાર્થ સિદ્ધિ યોગ- 22 એપ્રિલના રોજ સવારે 11:24 વાગ્યાથી 23 એપ્રિલના રોજ સવારે સવારે 5:48 વાગ્યા સુધી
રવિ યોગ- 22 એપ્રિલના રોજ સવારે 11:24 વાગ્યાથી 23 એપ્રિલના રોજ સવારે સવારે 5:48 વાગ્યા સુધી
અમૃત સિદ્ધિ યોગ- 22 એપ્રિલના રોજ સવારે 11:24 વાગ્યાથી 23 એપ્રિલના રોજ સવારે સવારે 5:48 વાગ્યા સુધી
