- છોટાઉદેપુરમાં શિક્ષકોની અછત
- એક શિક્ષક ચલાવે આખી શાળા
- પ્રાથમિક શિક્ષણની સ્થિતિ ક્યારે સુધરશે?
આદિવાસી વિસ્તારમાં સરકારના ગુણવત્તા સભર શિક્ષણના દાવા પોકળ સાબિત થયા છે. છોટાઉદેપુરના નસવાડી તાલુકામાં શિક્ષણની સ્થિતિ ખખડધજ જોવા મળી છે. નસવાડીના ગ્રામ્ય વિસ્તારોમાં માત્ર એક શિક્ષકથી શાળા ચાલે છે.
નસવાડી તાલુકામાં શિક્ષણની સ્થિતિ ખખડધજ
નસવાડીના ભગવાનપુરા, ચુનાખાણ સોડત ગામની શાળામાં માત્ર એક શિક્ષક છે. આ તમામ ગામની શાળામાં ધોરણ 1થી 5માં માત્ર 1 શિક્ષક અભ્યાસ કરાવી રહ્યા છે. જેને લઇ પ્રાથમિક શાળામાં અભ્યાસ કરતા વિદ્યાર્થીઓ માટે નબળા શિક્ષણને લઇ પ્રશ્નો ઉભા થયા છે. આ શાળાઓમાં વર્ષોથી એક શિક્ષક અભ્યાસ કરાવી રહ્યા છે. આમ છતાં નવા શિક્ષકની ભરતી કરવામાં આવતી નથી. શાળામાં શિક્ષકોના અભાવને લઇ સ્થાનિકોએ સરકારી શાળા માટેની કરોડોની ગ્રાન્ટનો યોગ્ય ઉપયોગ ન થતો હોવાનો આક્ષેપ કર્યો છે. સાથે જ સ્થાનિકો શાળાઓમાં વર્ષોથી શિક્ષકોની ભરતી કરવાની માગ કરી રહ્યા છે.
આદિવાસી વિસ્તારમાં ગુણવત્તા સભર શિક્ષણના દાવા પોકળ
આદિવાસી વિસ્તારમાં ગુણવત્તા સભર શિક્ષણના દાવા પોકળ સાબિત થયો હોવ તેવું જાણવા મળ્યું છે. છોટાઉદેપુરના નસવાડી તાલુકામાં શિક્ષણની સ્થિતિ ખખડધજ છે. ભગવાનપુરા, ચુનાખાણ સોડત ગામની શાળામાં માત્ર એક શિક્ષક છે. ધોરણ 1થી 5માં માત્ર 1 શિક્ષક અભ્યાસ કરાવી રહ્યા છે. પ્રાથમિક શાળામાં ભણતા વિદ્યાર્થીઓ માટે નબળા શિક્ષણને લઈ સવાલો ઉભા થઈ રહ્યાં છે. વર્ષોથી એક શિક્ષકથી ચાલતી શાળાઓની તંત્ર દરકાર નથી લઈ રહ્યું કે કેમ. ગ્રામ્ય વિસ્તારોમાં શાળાઓ તો પહોંચી પણ શિક્ષકો હજુ પુરતા પ્રમાણમાં પહોચ્યા નથી. ચુનાખાણ સોડત પ્રાથમિક શાળામાં 67 વિદ્યાર્થીઓ અભ્યાસ કરે છે.
સળગતા સવાલ
- છોટાઉદેપુરમાં શિક્ષકોની ભરતી કેમ નથી થતી?
- માત્ર એક શિક્ષક આખી સ્કૂલ કેવી રીતે ચલાવી શકે?
- બાળકોના ભવિષ્ય સાથે ચેડા કોણ કરે છે?
- શિક્ષણ વિભાગ શિક્ષકોની ભરતી કેમ નથી કરતું?
- શું આદિવાસી બાળકોને સારા શિક્ષણની જરૂર ન પડે?
- શિક્ષકો જ નથી તો વિદ્યાર્થીઓને ગુણવત્તાસભર શિક્ષણ કેવી રીતે મળશે?
