- તુનિશા શર્મા મોત કેસનો આરોપી શિઝાન ખાન 4 દિવસની પોલીસ કસ્ટડીમાં
- પોલીસે હવે કરશે આકરી પૂછપરછ
- મુંબઈ પોલીસે કહ્યું, તુનિશા શર્માએ આપઘાત જ કર્યો છે
ગઈકાલે ટીવીની અભિનેત્રી તુનિશા શર્માએ સીરિયલના શુટિંગ વખતે મેકઅપ રુમમાં આપઘાત કર્યો હતો. તેના મોત બાદ તેનો પૂર્વ પ્રેમી શિઝાન ખાન ચર્ચામાં આવ્યો હતો અને પરિવારના આરોપસર શિઝાન ખાનની મુંબઈ પોલીસે ધરપકડ કરી લીધી હતી પરંતુ આ કેસનું કોકડું ઉકેલવા પોલીસને આરોપીની વધારે પૂછપરછની જરુર હતી તેથી તેને આજે કોર્ટમાં રજૂ કરાયો હતો જ્યાં કોર્ટે પોલીસની વિનંતી સ્વીકારીને આરોપી શિઝાન ખાનને 4 દિવસની પોલીસ કસ્ટડીમાં સોંપવાનો આદેશ આપ્યો હતો.
એસીપી ચંદ્રકાંત જાધવે આપ્યું મોટું અપડેટ
એસીપી ચંદ્રકાંત જાધવે તુનિશા શર્મા આપઘાત કેસમાં અપડેટ આપ્યું હતું. જાધવે કહ્યું કે તુનિશાની માતાએ ફરિયાદ લખાવી હતી જેને આધારે આરોપી શિઝાનખાનની ધરપકડ કરાઈ હતી અને તેને કોર્ટમાં રજૂ કરાયો હતો. પોસ્ટ મોર્ટમ રિપોર્ટમાં મોતનું કારણ સ્પસ્ટ રીતે ગળેફાંસો ખાવાનું લખાયું છે.
લવ અફેર્સ, બ્લેકમેઈલિંગ કે લવ જેહાદનો કેસ નહીં
મુંબઈ પોલીસના એસીપી જાધવે કહ્યું હાલ તપાસ ચાલી રહી છે અને આરોપી તથા મૃતકનો ફોન જપ્ત કરી લેવાયો છે. લવ અફેર્સ, બ્લેકમેઈલિંગ કે લવ જેહાદનો કોઈ કેસ દેખાતો નથી.
માતાએ જ નોંધાવી ફરિયાદ
નોંધનીય છે કે તુનિશા અને શીજાન રિલેશનશીપમાં હતા હાલમાં જ બંનેનું બ્રેકઅપ થયું હતું જે બાદ તે ખૂબ પરેશાન રહેતી હતી. સમગ્ર મામલે પોલીસે આપઘાત કરવા માટેની ઉશ્કેરણીની ધારા શીજાન સામે લગાવી છે. તુનિશાની માતાને ડૉક્ટર્સે જ જાણકારી આપી હતી તેને આપઘાત કરવાના વિચારો આવી રહ્યા છે. એવામાં માતાએ જ શીજાન સામે FIR નોંધાવી છે
ગઈકાલે સીરિયલના શુટિંગ વખતે મેકઅપ રુમમાં ગળેફાંસો ખાઈને આપઘાત કર્યો
ઉલ્લેખનીય છે કે 20 વર્ષની તુનિશા શર્માએ ગઈકાલે તેની સીરિયલના શુટિંગ વખતે મેકઅપ રુમમાં ગળેફાંસો ખાઈને આપઘાત કરી લીધો હતો.
