બજારની ઉડાન ચાલુ / શેર બજારમાં છપ્પરફાડ દિવસ, સપ્તાહની શરૂઆતમાં રોકાણકારોએ 5 લાખ કરોડ રળી લીધા, આ શેરોમાં તેજીનું ઝાપટું

• ગયા સપ્તાહના રેકોર્ડ હાઈ પછી આ સપ્તાહે પણ બજારની ઉડાન ચાલુ 
• સપ્તાહના પ્રથમ ટ્રેડિંગ સેશનમાં ફરી એકવાર રેકોર્ડ ઊંચાઈ પર બંધ થયું 
• સેન્સેક્સ 529 પોઈન્ટના ઉછાળા સાથે 66,590 પર બંધ થયો હતો

ગયા સપ્તાહના રેકોર્ડ હાઈ પછી આ સપ્તાહે પણ બજારની ઉડાન ચાલુ છે. અઠવાડિયાના પ્રથમ ટ્રેડિંગ દિવસે પણ, રીંછ બુલ્સની શક્તિ સમક્ષ હથિયાર મૂકતા જોવા મળે છે. સોમવારે સેન્સેક્સ અને નિફ્ટી ફરી એકવાર નવી ઓલ ટાઈમ હાઈ પર પહોંચ્યા હતા. સોમવારે સેન્સેક્સે 550 પોઈન્ટથી વધુનો વધારો દર્શાવ્યો હતો અને 66,611.36 પોઈન્ટની સપાટી વટાવી હતી. બીજી તરફ નિફ્ટીએ પ્રથમ વખત 19700ની સપાટી વટાવી હતી. માર્કેટમાં IT, FMCG અને મીડિયા સેક્ટરમાં સારી ખરીદી જોવા મળી રહી છે. મીડિયા પેકના શેરમાં બે ટકા સુધીનો ઉછાળો આવ્યો છે. સોમવારે સેન્સેક્સ 529.03 પોઈન્ટના વધારા સાથે વિક્રમી ટોચે 66,589.93 પોઈન્ટ પર બંધ રહ્યો હતો. 

Sensex rallies 529.03 pts to settle at all-time high of 66,589.93, Nifty jumps 146.95 to close at new record level of 19,711.45

— Press Trust of India (@PTI_News) July 17, 2023

સોમવારે બેન્કિંગ સેક્ટરના શેરમાં ખરીદી જોવા મળી 

સોમવારે સ્થાનિક શેરબજારમાં વૈશ્વિક બજારથી સકારાત્મક સંકેતો મળ્યા હતા. જેના કારણે શેરમાં બમ્પર ખરીદી જોવા મળી હતી. ડોલર સામે રૂપિયો પણ મજબૂત થયો છે. વિદેશી રોકાણકારોનું સકારાત્મક વલણ ચાલુ છે. આ દરમિયાન બેન્કિંગ સેક્ટરના શેરોએ પોતાની તાકાત બતાવી. SBI નિફ્ટીમાં ટોપ ગેઇનર હતો અને 3 ટકાના વધારા સાથે બંધ રહ્યો હતો. બીજી તરફ ONGC અને Hero MotoCorp ટોપ લુઝર તરીકે ટ્રેડ થતા જોવા મળ્યા હતા.

Rupee rises 12 paise to close at 82.05 (provisional) against US dollar

— Press Trust of India (@PTI_News) July 17, 2023

આજના કારોબારમાં બેન્કિંગ અને ફાયનાન્સિયલ શેરોમાં તેજી જોવા મળી છે. બેન્ક નિફ્ટી 1.41 ટકાના વધારા સાથે બંધ રહ્યો હતો. નિફ્ટી આઇટી 0.31 ટકા, ફાર્મા 0.77 ટકા ઉપરાંત મેટલ્સ, મીડિયા, એનર્જી, હેલ્થકેર, ઓઇલ એન્ડ ગેસ, કન્ઝ્યુમર ડ્યુરેબલ્સ જેવા સેક્ટરમાં ઘટાડો નોંધાયો હતો. જ્યારે ઓટો અને રિયલ એસ્ટેટ સેક્ટરના શેર ઘટીને બંધ રહ્યા હતા. સ્મોલ કેપ અને મિડ કેપ સેક્ટરના શેરોમાં પણ સારી વૃદ્ધિ જોવા મળી હતી. સેન્સેક્સના 30 શેરોમાંથી 18 વધ્યા અને 12 ઘટીને બંધ થયા. જ્યારે નિફ્ટીના 50 શેરોમાંથી 31 શેર વધીને અને 19 ઘટીને બંધ રહ્યા હતા.

આ શેરોમાં ઘટાડો થયો

આજના વેપારમાં SBI 2.81 ટકા, વિપ્રો 2.54 ટકા, રિલાયન્સ 2.10 ટકા, HDFC બેન્ક 2.07 ટકા, કોટક મહિન્દ્રા બેન્ક 1.45 ટકા, ટેક મહિન્દ્રા 1.24 ટકા, ઇન્ડસઇન્ડ બેન્ક 1.04 ટકાના વધારા સાથે બંધ થયા હતા. ઘટેલા શેરોમાં ટાટા મોટર્સ 1.02 ટકા, ભારતી એરટેલ 0.89 ટકા, ટાઇટન કંપની 0.70 ટકા, મહિન્દ્રા એન્ડ મહિન્દ્રા 0.66 ટકા ઘટીને બંધ થયા હતા.

માર્કેટ કેપમાં ઉછાળો

શેરબજારમાં આવેલી શાનદાર તેજીને કારણે BSE પર લિસ્ટેડ કંપનીઓના શેરોનું માર્કેટ કેપ પ્રથમ વખત રૂ. 303 લાખ કરોડને પાર કરી ગયું હતું. આજે કારોબારના અંતે BSE પર લિસ્ટેડ કંપનીઓનું માર્કેટ કેપ રૂ. 303.88 લાખ કરોડ હતું.