Navratri 2023 / ઘર-પરિવારમાં પૈસાની કમી હોય તો નવરાત્રીના નવ દિવસ જરૂર કરો તુલસીનો આ ઉપાય, તરત દેખાશે ફરક

• તુલસી માતાને લક્ષ્મીનું પ્રતીક માનવામાં આવે છે
• નવરાત્રી દરમિયાન તુલસીનો ઉપયોગ કરવો શુભ માનવામાં આવે છે
• તુલસીનો છોડ ઘરના ઈશાન ખૂણામાં રાખવો જોઈએ

હિંદુ ધર્મમાં તુલસીને ખૂબ જ પવિત્ર અને પૂજનીય માનવામાં આવે છે. તુલસીનો તમામ પ્રકારની પૂજા અને અનુષ્ઠાનમાં ઉપયોગ કરવામાં આવે છે. જ્યોતિષ શાસ્ત્ર અનુસાર તુલસી માતાને લક્ષ્મીનું પ્રતીક માનવામાં આવે છે. નવરાત્રી દરમિયાન તુલસીનો ઉપયોગ કરવો તે શુભ માનવામાં આવે છે. નવરાત્રીમાં તુલસીનો છોડ ઘરના ઈશાન ખૂણામાં રાખવો જોઈએ, જેથી ઘરમાં સકારાત્મક ઊર્જાનો વાસ થાય છે. 

માન્યતા અનુસાર નવરાત્રીમાં ગુરુવારે તુલસીને કાચું દૂધ અર્પણ કરવું જોઈએ. જેથી ઘરની આર્થિક પરિસ્થિતિ સારી રહે છે. નવરાત્રીમાં માં દુર્ગા સામે દીવો કર્યા પછી તુલસી માતા સામે પણ દીવો કરવો જોઈએ. આ પ્રકારે કરવાથી ઘરમાં આર્થિક પરેશાની દૂર થાય છે. 

ઘરમાં કોઈ વ્યક્તિ ઘણા સમયથી બીમાર હોય તો નવરાત્રીમાં 9 દિવસ સુધી તુલસી માતાની પૂજા કરવી જોઈએ અને તેની પરિક્રમા કરવી જોઈએ. નવરાત્રીમાં તુલસીનું અપમાન ના કરવું, ખરાબ હાથથી તુલસીને સ્પર્શ ના કરવો. તુલસી પાસે કાંટેદાર છોડ ના રાખવો અને દિવસે જ તુલસી તોડવી. 

આ મંત્રોનો જાપ કરવો
નવરાત્રીમાં માઁ દુર્ગાના પૂજન પછી માતા તુલસીની પૂજા સમયે ‘મહાપ્રસાદ જનની સર્વ સૌભાગ્યવર્ધિની, આધિ વ્યાધિ હરા નિત્યં તુલસી ત્વં નમોસ્તુતે।।‘ મંત્રનો જાપ કરવો.