- 15 ઓક્ટોબર 2023 રવિવારથી શારદીય નવરાત્રીનો પ્રારંભ
- માઁ દુર્ગાના નવ અલગ અલગ સ્વરૂપની પૂજા કરવામાં આવે છે
- માઁ દુર્ગાના અલગ અલગ વાહનના મહત્ત્વ વિશે જણાવવામાં આવ્યું છે
15 ઓક્ટોબર 2023 રવિવારથી શારદીય નવરાત્રીનો પ્રારંભ થઈ રહ્યો છે, જે 23 ઓક્ટોબરના રોજ પૂર્ણ થશે. 24 ઓક્ટોબરના રોજ વિજયાદશમી ઊજવવામાં આવશે. નવરાત્રીમાં નવ દિવસ સુધી માઁ દુર્ગાના નવ અલગ અલગ સ્વરૂપની વિધિ વિધાન સાથે પૂજા અર્ચના કરવામાં આવે છે. ભક્તો માઁ દુર્ગાને પ્રસન્ન કરવા માટે પૂજા કરવાની સાથે સાથે ઉપવાસ પણ કરે છે.
માઁ દુર્ગાની સવારી
માઁ દુર્ગા સિંહ પર સવારી કરે છે, પરંતુ નવરાત્રીમાં માઁ દુર્ગા ધરતી પર આગમન કરે છે. તે સમયે દુર્ગા માતાની સવારી બદલાઈ જાય છે. જે દિવસથી નવરાત્રીનો પ્રાંરભ થાય છે, તે દિવસના આધાર પર માઁ જગદંબાની સવારી નક્કી થાય છે. માઁ દુર્ગાના અલગ અલગ વાહનના મહત્ત્વ વિશે અહીંયા જણાવવામાં આવ્યું છે.
માઁ દુર્ગાના અલગ અલગ વાહન કયા છે?
માઁ દુર્ગાના અલગ અલગ વાહનમાં ડોલી, નાવ, ઘોડો, ભેંસ, મનુષ્ય તથા હાથી શામેલ છે.
શારદીય નવરાત્રી 2023માં માઁ દુર્ગાની સવારી કઈ છે?
આ વર્ષે રવિવારથી શારદીય નવરાત્રીનો પ્રારંભ થઈ રહ્યો છે. રવિવારથી શારદીય નવરાત્રીનો પ્રારંભ થાય તો દુર્ગા માતાનું વાહન હાથી હોય છે. દુર્ગા માતાનું હાથી પર આગમન થાય તો અધિક વર્ષાનો સંકેત આપે છે.
દુર્ગા માતાની સવારી અને તેનું મહત્ત્વ
શાસ્ત્રો અનુસાર સોમવાર અથવા રવિવારથી શારદીય નવરાત્રીનો પ્રારંભ થાય તો દુર્ગા માતાનું વાહન હાથી હોય છે, જે અધિક વર્ષાનો સંકેત આપે છે. મંગળવાર અથવા શનિવારથી શારદીય નવરાત્રીનો પ્રારંભ થાય તો દુર્ગા માતાનું વાહન ઘોડો હોય છે, જે સત્તા પરિવર્તનનો સંકેત આપે છે. શારદીય નવરાત્રી ગુરુવાર અથવા શુક્રવારથી પ્રારંભ થાય તો દુર્ગા માતાનું વાહન ડોલી હોય છે, જે જાનહાનિ અને તાંડવનો સંકેત આપે છે. નવરાત્રીનો બુધવારે પ્રારંભ થાય તો દુર્ગા માતાનું નાવ પર આગમન થાય છે, નાવની સવારીને શુભ ફળદાયી માનવામાં આવે છે.
