મનોરંજન / પઠાન અને જવાન બાદ હવે વધુ એક ફિલ્મથી ધમાકો મચાવવા તૈયાર શાહરુખ ખાન, 21 વર્ષ નાની અભિનેત્રી સાથે કરશે રોમાન્સ!

• જવાન બાદ વધુ એક ફિલ્મથી ધમાકો મચાવવા તૈયાર કિંગ ખાન
• ‘જવાન’એ પહેલા દિવસે કરી સૌથી વધુ કમાણી
• સોશિયલ મીડિયા પર છવાઈ #DunkI

કિંગ ખાનના ફેન્સ જ્યારે પણ શાહરૂખ ખાનની મૂવી જોવા માટે સિનેમાઘરમાં જાય છે, ત્યારે તે તહેવારથી પણ વિશેષ હોય છે. શાહરૂખ ખાનની ફિલ્મ ‘પઠાન’એ બોક્સ ઓફિસ પર 1,000 કરોડનો બિઝનેસ કરીને બાહુબલી અને KGF નો પણ રેકોર્ડ બ્રેક કરી દીધો છે. ફિલ્મ ‘જવાન’ પહેલા દિવસે 129 કરોડ રૂપિયાનો બિઝનેસ કરીને સૌથી વધુ ઓપનિંગ કરનાર ફિલ્મ બની ગઈ છે. ફિલ્મ ‘જવાન’ સતત ટ્રેન્ડ કરી રહી છે. શાહરૂખ ખાન વધુ એક મૂવી ‘ડંકી’ લઈને આવી રહ્યા છે. દાવો કરવામાં આવી રહ્યો છે કે, શાહરૂખ ખાનની ફિલ્મ ‘ડંકી’ અત્યાર સુધીની સૌથી વધુ કમાણી કરી શકે છે. 

‘ડંકી’ સૌથી વધુ સુપરહિટ થઈ શકે છે
ફિલ્મ ‘ડંકી’ શાહરૂખ ખાનની અપકમિંગ છે. આ ફિલ્મમાં શાહરૂખ ખાન બોલીવુડ અભિનેત્રી તાપસી પન્ની સાથે લીડ રોલ ભજવતા જોવા મળશે. સોશિયલ મીડિયા પર એક ફોટો વાયરલ થઈ રહ્યો છે, જેમાં કિંગ ખાન તાપસી પન્ની સાથે જોવા મળી રહ્યા છે. યૂઝર્સે દાવો કર્યો છે કે, એક્ટિંગના મામલે ફિલ્મ ‘ડંકી’ સૌથી શાનદાર ફિલ્મ હોઈ શકે છે. સોશિયલ મીડિયા પર #DunkI ટ્રેન્ડ થઈ રહ્યું છે. 

સોશિયલ મીડિયા પર છવાઈ #DunkI
એક યૂઝરે સોશિયલ મીડિયા પર ફિલ્મ ‘ડંકી’નો ફોટો શેર કરીને કેપ્શનમાં લખ્યું છે કે, ‘ગયા વર્ષે મેં મારા મિત્રોને કહ્યું હતું કે, પઠાન એક સારી ફિલ્મ હશે. ફિલ્મ જવાને પઠાનનો પણ રેકોર્ડ તોડી દીદો છે. ફિલ્મ ‘ડંકી’ પઠાન અને જવાનનો પણ રેકોર્ડ તોડી દેશે. શાહરૂખ ખાનની આ સૌથી સારી ફિલ્મ હશે.’