- અનંતનાગમાં વીરગતિ પામે મેજલ આશીષની માતાનું દુ:ખ
- માતા બોલ્યાં કે દુ:ખ તો મને ઘણું છે પણ હું રડીશ નહીં
- મેજર ઑક્ટોબરમાં નવા ઘરે આવવાનાં હતાં પણ હવે શવ જ પહોંચશે
જમ્મૂ-કાશ્મીરનાં અનંતનાગમાં આતંકીઓ સાથે લડતા સમયે વીરગતિ પામેલ મેજર આશીષ ધૌનેકની માતાએ કંઈક એવું કહ્યું જે સાંભળીને ગર્વ અને દુ:ખ બંને અનુભવાશે. આંખોમાં આંસુ સાથે માતાએ કહ્યું કે મારો દીકરો તો દેશનો હતો. અમે તેને દેશ માટે આપી દીધો હતો. દુ:ખ તો ઘણું છે પણ હું રડીશ નહીં.
'સમગ્ર દેશની બહેનો તેની જ હતી'
તેમણે કહ્યું કે,' મારા દીકરાની માત્ર 3 બહેનો જ નહોતી. દેશની તમામ બહેનો તેની હતી અને બધાની રક્ષા માટે તેણે શહાદત આપી છે. ' અનંતનાગમાં શહીદ મેજરનાં ઘરનો માહોલ અતિ ભાવુક છે. પાનીપત સિવાય આસપાસનાં લોકો પણ તેમના ઘરે વીરનાં શવની રાહ જોઈ રહ્યાં છે.
નવા મકાનમાં મેજરનું શવ જ પહોંચશે
પાનીપતનાં એક વિસ્તારમાં મેજરનો પરિવાર ભાડે રહેતો હતો. થોડા સમય પહેલા જ પરિવારે પાનીપતનાં TDIમાં પ્લોટ ખરીદી મકાન બનાવ્યું હતું. તેઓ આ મકાનમાં જ શિફ્ટ થવાનાં હતાં પરંતુ હવે આ મકાનમાં મેજરનો શવ જ પહોંચશે. મેજર આશીષ ધનૌકનાં કાકાએ જણાવ્યું કે છેલ્લી વખત તો આશીષ સાથે ફોન પર વાત થઈ હતી ત્યારે તેમણે કહ્યું હતું કે ઑક્ટોબરમાં હું આવીશ અને ત્યારે ઘર શિફ્ટ કરી લેશું. પરિવારનો પ્લાન હતો કે 23 ઑક્ટોબરનાં ગૃહપ્રવેશનું આયોજન કરશે. કારણકે એ દિવસ મેજર આશીષનો જન્મદિવસ પણ હોય છે.
4 વર્ષની દીકરી છે..
34 વર્ષીય આશીષની 4 વર્ષની દીકરી છે. તે પોતાની પાછળ પોતાની માતા, પિતા, પત્ની અને દીકરીને છોડી ગયાં. મેજરનાં પરિવારનાં લોકોએ જણાવ્યું કે તેમના શવને TDI સ્થિત નવા મકાનમાં લઈ જવામાં આવશે. આ બાદ તેમના ગામ બિંઝોલમાં અંતિમ વિદાય આપવામાં આવશે. પરિવારે જણાવ્યું કે બુધવારે અધિકારીઓએ ફોન કરીને મેજરનાં શહીદ થવાની જાણકારી આપી હતી.
